07 اگست ، 2023 
بھارت کے چندریان 3 مشن نے چاند کی اولین تصاویر جاری کر دیں
07 اگست ، 2023
بھارتی اسپیس ایجنسی کی جانب سے چندریان 3 مشن کی جانب سے چاند کی کھینچی جانے والی اولین تصاویر جاری کر دی گئی ہیں۔
چندریان مشن چاند کے مدار میں 5 اگست کو داخل ہوا تھا اور ان تصاویر میں چاند کی سطح کو دکھایا گیا ہے۔
خیال رہے کہ چندریان 3 مشن 14 جولائی کو روانہ ہوا تھا اور یہ 23 اگست کو چاند کی سطح پر اترے گا۔
چندریان مشن ایک لینڈر، روور اور propulsion موڈیول پر مشتمل ہے جو چاند کے جنوبی قطب میں اترنے کی کوشش کرے گا۔
اگر وہ اس کوشش میں کامیاب ہوتا ہے تو بھارت چاند کے جنوبی قطب میں مشن اتارنے والا پہلا ملک بن جائے گا۔
اب تک امریکا، چین اور روس چاند پر مختلف مشنز کامیابی سے اتار چکے ہیں مگر اب تک جنوبی قطب میں لینڈنگ کی کوشش نہیں کی گئی۔
چندریان مشن لانچ کے بعد 10 دن تک زمین کے مدار میں موجود رہا اور 5 اگست کو کامیابی سے چاند کے مدار میں داخل ہوا۔
یہ بھارت کی جانب سے چاند پر اترنے کی 4 برسوں کے دوران دوسری کوشش ہے، اس سے قبل 2019 میں چندریان 2 مشن کو ناکامی کا سامنا ہو چکا ہے۔
خیال رہے کہ چاند کی سطح پر اترنا کافی مشکل مرحلہ ہوتا ہے اور بیشتر اسپیس مشنز کو ناکامی کا سامنا ہو چکا ہے۔
مزید خبریں :
ٹیلی گرام میں تھرڈ پارٹی اکاؤنٹ ویریفکیشن کا آپشن متعارف
02 جنوری ، 2025
یوٹیوب پر آپ پیسے کیسے کما سکتے ہیں؟
02 جنوری ، 2025
ایپل آئی فون 16 سیریز کا سستا ترین فون متعارف کرانے کیلئے تیار
01 جنوری ، 2025
واٹس ایپ میں ریورس امیج سرچ کی سہولت فراہم کیے جانے کا امکان
30 دسمبر ، 2024
ایسے منفرد سولر پینل تیار جو رات کو بھی بجلی پیدا کرسکتے ہیں
30 دسمبر ، 2024
تمام اسمارٹ فونز کے لیے اب صرف ایک چارجر استعمال ہوگا
29 دسمبر ، 2024
