نگران وزیراعظم کیلئے ساتھیوں کی مشاورت سے 3 نام فائنل کرلیے: اپوزیشن لیڈر

اسلام آباد: قومی اسمبلی میں اپوزیشن لیڈر راجہ ریاض کا کہنا ہے کہ نگران وزیراعظم کے لیے ساتھیوں کے مشورے سے 3 نام فائنل کر لیے ہیں۔

نگران وزیراعظم کے تقرر پر قومی اسمبلی میں قائد حزب اختلاف راجہ ریاض نے جیونیوز سے خصوصی گفتگو میں کہا کہ ابھی تک وزیراعظم شہبازشریف سے کوئی مشاورت نہیں ہوئی ہے، ساتھیوں کے مشورے سے 3 نام فائنل کر لیے ہیں۔

نگران وزیراعظم کیلئے ابھی تک کوئی نام شارٹ لسٹ نہیں ہوا، وزیراعظم شہباز شریف

نوازشریف سے اس معاملے پر مشاورت ہو رہی ہے، ہماری کوشش ہے کہ نگران وزیراعظم ایسا ہو جو قابل قبول ہو، شہباز شریف

انہوں نے کہا کہ نگران وزیراعظم کی تقرری پر آج وزیر اعظم سے مشاورت ہوگی جس میں اپنے نام پیش کریں گے۔ 

واضح رہے کہ اس سے قبل وزیراعظم شہبازشریف کا کہنا تھا کہ نگران وزیراعظم کا فیصلہ اجتماعی مشاورت سے ہوگا، مشاورت کے بعد جو نام سامنے آئے گا اس پر لیڈر آف اپوزیشن سے بات کروں گا۔

شہباز شریف نے کہا تھا کہ نگران وزیراعظم کیلئے ابھی تک کوئی نام شارٹ لسٹ نہیں ہوا، نوازشریف سے اس معاملے پر مشاورت ہو رہی ہے، ہماری کوشش ہے کہ نگران وزیراعظم ایسا ہو جو قابل قبول ہو۔

اس سے قبل وزیر داخلہ رانا ثنااللہ نے کہا تھا نگران وزیراعظم کےلیے جو نام شارٹ لسٹ کیے گئے ہیں ان میں حفیظ شیخ کا نام بھی شامل ہے۔

نواز شریف نے نگران وزیراعظم کیلئے نام فائنل کرلیا

نگران وزیراعظم کے حوالے سے ابھی صرف سابق صدر آصف زرداری، مولانا فضل الرحمان اور شہباز شریف کو معلوم ہے: ذرائع

نگران وزیراعظم کیلئے شارٹ لسٹ ہونیوالوں میں حفیظ شیخ بھی شامل ہیں: رانا ثنااللہ

منگل یا بدھ تک نگران وزیراعظم کے نام کا فیصلہ ہوجائےگا، وفاقی وزیرداخلہ رانا ثنا اللہ