مچھلی کے تیل سے صحت کو فائدہ ہوتا ہے؟ نئی تحقیق میں جواب سامنے آگیا

اکثر افراد مچھلی کے تیل کے سپلیمنٹس کا استعمال اس توقع کے ساتھ کرتے ہیں کہ اس سے دل اور دماغ سمیت جسمانی صحت کو فائدہ ہوگا۔

مگر کیا واقعی ایسا ہوتا ہے؟ اس سوال کا جواب امریکا میں ہونے والی ایک نئی طبی تحقیق میں دیا گیا ہے۔

یونیورسٹی آف ٹیکساس ساؤتھ ویسٹرن میڈیکل اسکول کی تحقیق کے دوران اس حوالے سے تمام شواہد اور ڈیٹا کا جائزہ لیا گیا۔

تحقیق میں بتایا گیا کہ اگر آپ بھی مچھلی کے تیل کے سپلیمنٹس کو صحت کے لیے مفید سمجھتے ہیں تو ممکنہ طور پر اپنے پیسے ضائع کر رہے ہیں۔

دماغی تنزلی کا خطرہ بڑھانے والے 11 اہم عناصر کی شناخت

2050 تک دنیا بھر میں ڈیمینشیا کے شکار افراد کی تعداد لگ بھگ 3 گنا اضافے سے 15 کروڑ 30 لاکھ تک پہنچنے کا امکان ہے۔

تحقیق کے دوران محققین نے سپلیمنٹس کے روزانہ استعمال سے مرتب اثرات اور دیگر تمام دستیاب ڈیٹا کی جانچ پڑتال کی۔

انہوں نے دریافت کیا کہ زیادہ تر سپلیمنٹس تیار کرنے والی کمپنیوں کی جانب سے دل کی صحت کو بہتر بنانے کے دعوے کیے جاتے ہیں۔

انہوں نے یہ بھی دریافت کیا کہ 60 سال سے زائد عمر کے ہر 5 میں سے ایک فرد دل کی صحت کے لیے ان سپلیمنٹس کا استعمال کرتا ہے۔

محققین نے بتایا کہ اگر آپ ہائی بلڈ پریشر یا کولیسٹرول کو کنٹرول کرنا چاہتے ہیں تو اس طرح کے سپلیمنٹس پر پیسے ضائع کرنے کی بجائے پھلوں یا سبزیوں کو کھائیں، جم جانا شروع کر دیں یا ڈاکٹر سے تجویز کردہ ادوات کا استعمال کریں۔

انہوں نے کہا کہ مچھلی کے تیل کے سپلیمنٹس سے دل کی صحت بہتر نہیں ہوتی اور لوگوں کو ان کا استعمال ڈاکٹر کے مشورے کے بغیر نہیں کرنا چاہیے۔

حالیہ برسوں میں ہائی بلڈ پریشر کے تیزی سے پھیلنے کی بڑی وجہ دریافت

کووڈ 19 سے متاثر افراد میں ہائی بلڈ پریشر کے عارضے کا خطرہ بہت زیادہ بڑھ جاتا ہے۔

ان کا کہنا تھا کہ مختلف ممالک میں مچھلی کے تیل کے سپلیمنٹس سے دل پر مرتب اثرات کے حوالے سے کلینیکلز ٹرائلز میں کوئی فائدہ دریافت نہیں ہوا۔

محققین کے مطابق ان سپلیمنٹس کی بجائے اگر ہفتے میں 2 بار مچھلی کھانے کو عادت بنایا جائے تو اس سے دل کو زیادہ فائدہ ہوسکتا ہے۔

اس تحقیق کے نتائج جرنل JAMA Cardiology میں شائع ہوئے۔