27 اگست ، 2023 
بچوں کی بھوک اور مہنگائی کے ستائے ایک اور خاندان کی 15 پر کال، پولیس مدد کو پہنچ گئی
27 اگست ، 2023
لیہ میں بچوں کی بھوک، تنگدستی اور مہنگائی کا ستایا باپ ون فائیو(15) پر کال کرنے پرمجبور ہو گیا۔
مہنگائی نے غربت کی چکی میں پسے عوام کو فاقوں کی نوبت تک پہنچا دیا ہے، لیہ کے رہائشی نے پولیس کو ون فائیو پر کال کرکے پیٹ کی آگ بجھانے کی درخواست کی۔
ڈی پی او اسد الرحمان راشن لے کر ٹیم کے ہمراہ شہری کے گھرپہنچ گئے، راشن دیکھ کر بھوکے بچوں کے چہرے خوشی سے کھل اٹھے۔
اس موقع پر ڈی پی او اسد الرحمان نے کہا کہ مہنگائی کے اس مشکل دور میں بھائیوں کے درد کو محسوس کرنا اور مدد کرنا ہمارا دینی فریضہ ہے۔
ڈی پی او نے بتایا کہ جب ہم ان کے گھر پہنچے تو وہ ایک کمرے کے اندر تھے، ٹوٹی ہوئی چارپائیاں تھیں، اس شخص کی آنکھوں میں آنسو تھے اور بچوں کی حالت کافی بری تھی۔
خیال رہے کہ گزشتہ روز اسلام آباد میں بھی ایک خاتون نے ون فائیو پر فون کرکے دہائی دی اور کہا کہ بچے چار دن سے بھوکے ہیں، جس کے بعد ڈولفن پولیس اہلکاروں نے ضرورت مند خاتون کے گھر راشن پہنچایا تھا۔
مزید خبریں :
پی ٹی آئی کی کوئٹہ میں جلسہ کرنے کی درخواست مسترد
2 گھنٹے پہلے
