کھانے کے وقت نظر آنے والی کینسر کی وہ عام نشانی جس پر کوئی توجہ نہیں دیتا

کینسر دنیا بھر میں تیزی سے پھیلنے والا مرض ہے جس کے باعث ہر سال لاکھوں اموات ہوتی ہیں۔

اب طبی ماہرین نے کینسر کی ایک ایسی عام نشانی کی نشاندہی کی ہے جو بیشتر افراد نظرانداز کر دیتے ہیں۔

اگر آپ کو کھانا نگلنے میں مشکلات کا سامنا ہے تو یہ کینسر کی کسی قسم کی نشانی ہو سکتی ہے۔

اس مسئلے کو طبی زبان میں dysphagia کہا جاتا ہے اور ماہرین کے مطابق یہ سر، جبڑے، گردن یا منہ کے کینسر کی نشانی ہو سکتی ہے کیونکہ رسولی بڑھنے سے کھانا نگلنا مشکل ہو جاتا ہے۔

کینسر کی وہ عام علامات جو اکثر افراد نظر انداز کر دیتے ہیں

کینسر کی علامات کو نظرانداز کرنے کا نتیجہ تباہ کن ہوتا ہے۔

یہ چہرے پر جِلد کے کینسر کی بھی علامت ہو سکتی ہے۔

اسی طرح گلے کی مسلسل سوجن بھی کینسر کی نشانی ہوتی ہے، خاص طور پر اگر چہرہ سوج گیا ہے یا وزن میں اچانک کمی جیسی علامات کا سامنا ہو رہا ہے۔

ماہرین کے مطابق ضروری نہیں کہ کھانا نگلنے میں مشکل محسوس ہونا کینسر کی نشانی ہو، یہ معدے میں تیزابیت کی وجہ سے بھی ہو سکتا ہے۔

مگر دیگر علامات نظر آئیں اور کھانا نگلنے کا مسئلہ وقت کے ساتھ بدتر ہو جائے تو ڈاکٹر سے رجوع کرنا بہتر ہے۔

جوان افراد میں کینسر جیسا مرض تیزی سے کیوں پھیل رہا ہے؟ نئی تحقیق میں جواب سامنے آگیا

کینسر کے شکار جوان افراد میں مرض کا انداز معمر افراد میں اسی قسم کے کینسر سے مختلف ہوتا ہے، تحقیق

کینسر کی عام علامات میں جِلد کے اندر گلٹی، جسمانی وزن میں غیر متوقع کمی، جِلد میں تبدیلیاں، مسلسل پیٹ پھولنے کی شکایت، کھانے کی خواہش ختم ہو جانا یا آواز بدل جانا قابل ذکر ہیں۔

ماہرین نے بتایا کہ کھانا نگلنے کے ساتھ ساتھ کینسر کی 4 دیگر علامات ایسی ہیں جن کو کبھی نظر انداز نہیں کرنا چاہیے۔

سانس پھول جانا، جریان خون، گلٹی اور پیشاب کرنے کے مسائل جیسی علامات کو نظر انداز نہیں کرنا چاہیے۔

کینسر جیسے مرض سے بچنے کیلئے روزانہ 3 منٹ اس کام کو کرنا عادت بنالیں

دن بھر میں کم از کم 3 منٹ تک بہت تیزی سے حرکت کرنے سے کینسر کا خطرہ 30 فیصد تک کم ہو جاتا ہے۔

خیال رہے کہ حالیہ برسوں میں تحقیقی رپورٹس میں بتایا گیا تھا کہ 1990 کے بعد 3 دہائیوں کے دوران 50 سال سے کم عمر افراد میں کینسر کا پھیلاؤ نمایاں حد تک بڑھا ہے۔

اگست 2023 میں نیشنل یونیورسٹی آف سنگاپور کی ایک تحقیق میں اس کا ممکنہ جواب دیا گیا تھا۔

تحقیق کے مطابق کینسر کا خطرہ بڑھانے والا سب سے بڑا عنصر اب بھی عمر ہی ہے مگر ایسے بھی چند عناصر ہیں جن کے باعث جوان افراد میں یہ مرض تیزی سے پھیل رہا ہے۔

تحقیق میں خیال ظاہر کیا گیا کہ متعدد عناصر اس حوالے سے کردار ادا کر رہے ہیں، جیسے غذائی عادات میں تبدیلی، طرز زندگی میں تبدیلیاں، نیند کی عادات، موٹاپے میں اضافہ اور فضائی آلودگی۔

کینسر جیسے مرض سے بچانے میں مددگار آسان عادات

کینسر کے بیشتر کیسز کی وجہ ایسے عناصر ہوتے ہیں جن کی روک تھام ممکن ہے۔

محققین کے مطابق معدے یا اس سے منسلک اعضا سے جڑے کینسر کی اقسام جوان افراد میں سب سے زیادہ تیزی سے پھیل رہی ہیں۔

آنتوں کا کینسر جوان افراد میں سب سے زیادہ عام ہے جبکہ لبلبے اور معدے سے جڑے دیگر اعضا کے کینسر کی شرح میں بھی اضافہ ہوا ہے۔

تحقیق میں بتایا گیا کہ 39 سے 39 سال کی عمر کے افراد میں بھی کینسر تیزی سے پھیل رہا ہے۔

نوٹ: یہ مضمون طبی جریدوں میں شائع تفصیلات پر مبنی ہے، قارئین اس حوالے سے اپنے معالج سے بھی ضرور مشورہ کریں۔