06 ستمبر ، 2023 
جرائم
مدرسے کی انتظامیہ نے والدین کو بتانے کے بجائے بچےکو خود ہی اسپتال منتقل کر دیا: پولیس۔
لاہور: مدرسے کے قاری کا طالبعلم پر تشدد، اچھال کر سر پنکھے سے ٹکرا دیا
06 ستمبر ، 2023
لاہور کے علاقے سمن آباد میں مدرسے کے قاری و پرنسپل کی جانب سے طالبعلم پر تشدد کا واقعہ سامنے آیا ہے۔
پولیس کے مطابق مدرسے کے پرنسپل نے بچے فیضان کو اچھالا جس سے اس کا سر پنکھے سے ٹکرا گیا، سر پنکھے سے ٹکرانے کی وجہ سے بچے کے سر میں چوٹ لگ گئی۔
پولیس کا کہنا ہے کہ مدرسے کی انتظامیہ نے والدین کو بتانے کے بجائے بچےکو خود ہی اسپتال منتقل کر دیا۔
پولیس کے مطابق بچے کے والد عامر کی درخواست پر مدرسے کی انتظامیہ کے خلاف مقدمہ درج کر لیا گیا ہے اور واقعے کی تحقیقات کا آغاز کر دیا گیا ہے۔
بچے کے والد کا بتانا ہے کہ 10 سال کا فیضان 5 سال سے اسی مدرسے میں زیر تعلیم ہے اور تیسری کلاس کا طالب علم ہے۔
مزید خبریں :
ایف آئی اے نے کراچی سے حوالہ ہنڈی کا بڑا نیٹ ورک پکڑ لیا
14 نومبر ، 2024
