07 ستمبر ، 2023 
کراچی میں جامع پبلک ٹرانسپورٹ سسٹم کیلئے کتنی بسیں درکار ہیں؟
07 ستمبر ، 2023
نگران وزیر خزانہ سندھ یونس ڈاگھا کو کراچی میں جامع پبلک ٹرانسپورٹ سسٹم سے متعلق محکمۂ ٹرانسپورٹ کے منصوبوں کے حوالے سے محکمے کے افسران کی جانب سے بریفنگ دی گئی۔
بریفنگ میں عالمی بینک کی رپورٹ کے بارے میں بتایا گیا جس کے مطابق اس وقت کراچی میں سرکاری اور نجی شعبے میں کل 1029 بسیں فعال ہیں جبکہ جامع پبلک ٹرانسپورٹ سسٹم کیلئے 15ہزار بسیں درکار ہیں۔
رپورٹ کے مطابق پبلک پرائیویٹ پارٹنر شپ کے تحت 240 جبکہ بی آرٹی کے تحت 100 اور 690 پرانی بسیں چل رہی ہیں۔
بریفنگ میں بتایا گیا کہ سندھ کے لیے 500 مزید بسوں کی خریداری کے لیے روٹ فزیبلٹی مطالعے کا عمل جاری ہے۔
دوسری جانب نگران وزیر خزانہ سندھ یونس ڈاگھا کا کہنا تھا کہ نجی آپریٹرز کو آسان شرائط پر قرضوں کے حصول کے لیے طریقہ کار بنایا جائے، بسوں کی خریداری کے لیے کم سے کم شرح سود طے کیا جائے۔
