10 ستمبر ، 2023 
واٹس ایپ گروپ چیٹس کے لیے بہترین فیچر پیش
10 ستمبر ، 2023
واٹس ایپ کی جانب سے مسلسل متعدد نئے اور دلچسپ فیچرز پر کام جاری رہتا ہے تاکہ صارفین کو دیگر سروسز کا رخ نہ کرنا پڑے۔
ایسے ہی ایک نئے فیچر کو جلد میٹا کی زیرملکیت میسجنگ ایپ کا حصہ بنایا جارہا ہے جو صارفین کو چیٹس آرگنائز کرنے میں مدد فراہم کرے گا۔
واٹس ایپ کی اپ ڈیٹس پر نظررکھنے والی سائٹ wabetainfo کی رپورٹ میں بتایا گیا کہ میسجنگ ایپ میں گروپ چیٹ فلٹر کے آپشن کی آزمائش اینڈرائیڈ ڈیوائسز کے بیٹا (beta) ورژن میں کی جارہی ہے۔
اس فیچر پر کافی عرصے سے کام کیا جا رہا ہے مگر اب اسے بیٹا ورژن کے صارفین کے لیے پیش کیا گیا ہے۔
اس نئے فیچر کے ذریعے صارفین کے لیے گروپس اور پرسنل کانٹیکٹس کو الگ رکھنے میں بھی مدد مل سکے گی۔
آل، ان ریڈ (unread)، کانٹیکٹس اور گروپس کے نام سے چیٹ فلٹرز واٹس ایپ اسکرین پر اوپر نظر آئیں گے۔
گروپس فلٹر پر کلک کرنے پر صارفین کے سامنے گروپس کے نام نظر آئیں گے اور وہ اس کے مطابق چیٹس کو آرگنائز کر سکیں گے۔
اس فیچر کا مطالبہ متعدد صارفین کی جانب سے کیا جا رہا تھا تاکہ وہ گروپ چیٹس کو زیادہ بہتر طریقے سے آرگنائز کر سکیں۔
یہ کہنے کی ضرورت نہیں کہ واٹس ایپ صارفین متعدد گروپس کا حصہ بن جاتے ہیں جن میں میسجز کی بھرمار ہوتی رہتی ہے۔
یہ فیچر کب تک دستیاب ہوگا اس بارے میں ابھی کچھ کہنا مشکل ہے مگر امکان ہے کہ آنے والے ہفتوں یا مہینوں میں دستیاب ہوگیا۔
مزید خبریں :
یوٹیوب میں ایسی تبدیلی جو ویڈیوز دیکھنے کے تجربے کو بدل دے گی
12 نومبر ، 2024
جی میل میں بہترین فیچر صارفین کے لیے متعارف
12 نومبر ، 2024
جاپانی سائنسدان لچکدار سولر سیلز تیار کرنے میں کامیاب
11 نومبر ، 2024
گوگل سرچ میں ایک بہترین اے آئی فیچر صارفین کیلئے متعارف
10 نومبر ، 2024
گوگل میپس کا ایسا نیا فیچر جو آپ کو ضرور پسند آئے گا
10 نومبر ، 2024
مائیکرو سافٹ نوٹ پیڈ میں اے آئی فیچر کا اضافہ
08 نومبر ، 2024
وہ اسمارٹ فون جو ابھی دنیا میں سب سے زیادہ فروخت ہو رہا ہے
08 نومبر ، 2024
