13 ستمبر ، 2023 
پی آئی اے کو آپریشن جاری رکھنےکیلئے وزارت خزانہ سے فنڈز ملنےکا امکان
13 ستمبر ، 2023
وفاقی وزارت خزانہ کی جانب سے قومی ائیر لائنز پی آئی اےکو آپریشن جاری رکھنےکے لیے 14 ارب روپے جاری کرنےکی منظوری دیے جانےکا امکان ہے۔
ذرائع وزارت خزانہ کا کہنا ہےکہ پی آئی اے کے ذمہ 260 ارب روپے قرض کی ادائیگی مؤخرکیے جانےکا امکان ہے، اس قرض کی گارنٹی حکومت نے دی ہوئی ہے۔
ذرائع کے مطابق پی آئی اے نے وزارت خزانہ سے مالی آپریشنز کے لیے 22 ارب 80 کروڑ روپے مانگے تھے۔
واضح رہےکہ ایف بی آر نے فیڈرل ایکسائز ڈیوٹی کی عدم ادائیگی پر پی آئی اے کے بینک اکاؤنٹس بھی منجمد کردیے تھے جس کے باعث پی آئی اے کو فنڈز کی کمی کا سامنا تھا اور اسی وجہ ملکی اور کچھ بیرون ممالک جانے والی فلائٹ کا آپریشن بھی متاثر ہوا جب کہ عملے کی تنخواہیں بھی ادا نہیں کی گئی تھیں۔
بعد ازاں فیڈرل بورڈ آف ریونیو (ایف بی آر) نے قومی ائیرلائن پی آئی اے کے تمام بینک اکاؤنٹس بحال کردیے۔
