آئی فونز کے نئے آپریٹنگ سسٹم کے 8 نئے بہترین فیچرز

ایپل نے آئی فونز کے لیے نیا آپریٹنگ سسٹم آئی او ایس 17 تمام صارفین کے لیے متعارف کرا دیا ہے جسے ڈیوائسز پر انسٹال کیا جا سکتا ہے۔

18 ستمبر کو کمپنی کی جانب سے اس نئے آپریٹنگ سسٹم کو جاری کیا گیا جس کا مقصد آئی فونز کو زیادہ بہتر بنانا ہے۔

آئی فون ایکس ایس، ایکس ایس میکس، ایکس آر، آئی فون 11، 11 پرو، 11 پرو میکس، آئی فون 12، 13 اور 14 سیریز کے فونز میں اس نئے آپریٹنگ سسٹم کو اپ ڈیٹ کرنا ممکن ہوگا۔

آئی او ایس 17 کے چند بہترین فیچرز درج ذیل ہیں۔

ایپل کا نیا آپریٹنگ سسٹم 18 ستمبر کو آئی فون صارفین کو دستیاب ہوگا

ایپل کا نیا آپریٹنگ سسٹم صرف آئی فون ایکس ایس یا اس کے بعد کے ماڈلز کے لیے دستیاب ہوگا

پہلے سے بہتر کی بورڈ آٹو کریکٹ

آئی فونز کے کی بورڈ کے آٹو کریکٹ فنکشن میں مشین لرننگ اپ ڈیٹ کی گئی ہے تاکہ وہ ٹائپ کے دوران الفاظ یا جملوں کی بہتر پیشگوئی کر سکے۔

اب صارف جب ٹائپ کر رہا ہوگا تو کی بورڈ کی جانب سے الفاظ یا جملے تجویز کیے جائیں گے۔

کانٹیکٹ پوسٹرز، ویڈیو میسجز اور لائیو وائس میل

کانٹیکٹ پوسٹر صارف کی تصویر، ٹیکسٹ اور مختلف رنگوں پر مشتمل ہوگا جو آپ کی فون کال سننے والوں کے سامنے کانٹیکٹ ایپ میں نظر آئے گا۔

اسی طرح نیم ڈراپ کے نام سے بھی ایک فیچر کا اضافہ کیا گیا ہے اور اس کے ذریعے کسی آئی فون یا ایپل واچ کے قریب ڈیوائس لاکر کانٹیکٹ انفارمیشن کو شیئر کرنا ممکن ہوگا۔

فون ایپ میں خودکار ٹرانسکرائب وائس میل میسجز کے فیچر کا اضافہ بھی کیا گیا ہے، جس کے ذریعے وائس میل کو موصول ہونے پر اس کا مضمون جاننا ممکن ہوگا۔

فیس ٹائم استعمال کرنے والے افراد اب ویڈیو وائس میل بھی بھیج سکیں گے جبکہ ویڈیو کالز کو ایپل ٹی وی باکس استعمال کرنے والے ٹی وی کے ذریعے کرنا بھی ممکن ہوگا۔

ایپل کے 4 نئے اور پہلے سے زیادہ بہتر آئی فونز متعارف

آئی فونز کی یہ سیریز آئی فون 15، 15 پلس، 15 پرو اور 15 پرو میکس پر مشتمل ہے۔

نئی جرنل ایپ

ایپل کی جانب سے نئی جرنل ایپ بھی متعارف کرائی گئی ہے اور اس کے لیے مشین لرننگ ٹیکنالوجی کو استعمال کیا جائے گا۔

اسٹینڈ بائی فیچر

یہ فیچر آئی فون کی لاک اسکرین کو اسمارٹ ہوم ڈیوائس کی طرح کے ڈسپلے میں تبدیل کر دے گا۔

اس فیچر سے فون لاک ہونے پر بھی ڈسپلے پر موسم، کیلنڈر اپائنٹمنٹس اور نوٹیفکیشنز سمیت دیگر کو دیکھنا ممکن ہوگا۔

ایپل کا 3 پرانے آئی فونز کی قیمتوں میں کمی کا اعلان

نئے آئی فونز کے متعارف کرانے کے ساتھ کمپنی کی جانب سے پرانے ماڈلز کی قیمتوں میں نمایاں کمی کی گئی ہے۔

آف لائن ایپل میپس

ایپل میپس تک آف لائن رسائی کو بھی یقینی بنایا جا رہا ہے، یہ فیچر گوگل میپس کے آف لائن میپس جیسا ہی ہے۔

چیک ان

چیک ان صارفین کے لیے تحفظ کے لیے متعارف کرایا گیا ایک نیا فیچر ہے جس سے صارفین اپنے دوستوں یا گھر والوں سے لوکیشن شیئر کر سکیں گے۔

لوکیشن شیئر کرنے کے بعد ایپل سسٹم خودکار طور پر آپ کے گھر پہنچنے پر دوستوں یا گھر والوں کو آگاہ کرے گا۔

اگر کسی وجہ سے تاخیر ہو جائے گی تو سسٹم کی جانب سے لوکیشن، بیٹری لائف اور دیگر تفصیلات کانٹیکٹ سے شیئر کی جائیں گی۔