حماس نے اسرائیل کو زمینی کارروائی سے خبردار کرتے ہوئے اپنی تیاریوں کی ویڈیو جاری کر دی

فلسطین کی مزاحمتی تنظیم حماس نے اسرائیل کو غزہ پر زمینی کارروائی سے خبردار کرتے ہوئے اپنی تیاریوں کی ویڈیو  جاری کر دی۔

حماس کی جانب سے جاری کی گئی فرضی ویڈیو میں ٹینکوں کو نشانہ بناتے دکھایا گیا ہے۔

دوسری جانب حزب اللہ نے لبنان کے مقبوضہ علاقے شیبا فارمز میں اسرائیلی پوسٹوں کو نشانہ بنایا۔

ادھر  امریکا نے اسرائیل کے مخالفین کو پیغام دینے کےلیے دوسرا بحری بیڑہ بھی بھیجنے کا اعلان کردیا۔

غزہ پر اسرائیلی بمباری میں شہید فلسطینیوں کی تعداد تین ہزار ہوگئی

اسرائیلی بمباری میں شہید اور زخمیوں سے غزہ کے اسپتال بھر گئے ہیں اور شہدا کی لاشیں اسپتال کے صحن میں رکھی گئی ہیں

اس کے علاوہ ایران نے سلامتی کونسل کو خبردار کیا ہےکہ اسرائیل نے فلسطینیوں کی نسل کشی نہ روکی تو حالات کسی کے کنٹرول میں نہیں ہوں گے جبکہ  روس نے بھی سلامتی کونسل سے اسرائیل فلسطین جنگ بندی کے لیے قرارداد پرپیرکو ووٹنگ کا مطالبہ کیا ہے۔

عالمی ادارہ صحت کی 22 اسپتالوں سے مریضوں کی منتقلی کے اسرائیلی حکم کی مذمت

عالمی ادارہ صحت (ڈبلیو ایچ او) نے 22 اسپتالوں سے مریضوں کی منتقلی کے اسرائیلی حکم کی مذمت کی ہے اور کہا کہ  غزہ کے اسپتالوں سےمریضوں کی بےدخلی سزائےموت کے مترادف ہے۔

غزہ کی امداد بحالی تک مصرکا امریکیوں کو رفح بارڈر سے انخلا کی اجازت دینے سے انکار

مصر نے رفح بارڈر سے غیر ملکیوں کے انخلا کے لیے غزہ کی امداد بحال کرنےکی شرط لگائی ہے

 ڈبلیو ایچ او نے کہا 2000 زیر علاج مریض جنوبی غزہ کے بھرےاسپتالوں میں نہیں جا سکتے۔

واضح رہے کہ اسرائیلی فوج نے غزہ میں تین طرف سےحملہ کرنے کی دھمکی دی ہے، اسرائیلی وزیراعظم نیتن یاہو کا کہنا ہے کہ اگلے مرحلے کا وقت آپہنچا ہے۔

اسرائیلی فوج کا کہنا ہے کہ غزہ پر بری، فضائی اور بحری راستوں سے جلد حملہ کیا جائے گا، آپریشن طویل وقت لے گا، شمال میں ہماری فوج بالکل تیار ہے۔

اسرائیلی فوج نے شمالی غزہ سے نقل مکانی کرنے والوں پر بھی بم برسا دیے

جنوبی غزہ کی جانب جانے والی گاڑیوں کے قافلے پر بمباری کی گئی، اسرائیلی فضائیہ کے حملے میں خواتین اور بچوں سمیت ڈھائی سو فلسطیینی شہید ہوگئے: برطانوی میڈیا

صیہونی فوج نے مزید کہا کہ غزہ کے رہائشیوں کو چلے جانا چاہیے اور جب تک ہم نہ کہیں واپس نہ آئیں، غزہ کے لوگوں کو جنوب کی طرف جانے کا کہا گیا ہے۔

اسرائیلی فوج کی شمالی غزہ سے نکلنے کی ڈیڈلائن کے دوران بھی بمباری جاری ہے، شمالی غزہ سے جنوبی غزہ جانے والے 250 فلسطینی راستے میں بمباری سے شہید ہوگئے۔