17 اکتوبر ، 2023 
پی آئی اے کو تیل کی فراہمی کا معاہدہ طے، پروازوں کا درہم برہم شیڈول بحال ہونا شروع
17 اکتوبر ، 2023
کراچی: قومی ائیر لائن پی آئی اے کو گزشتہ روز سے رکے ہوئے ایندھن کی فراہمی شروع کردی گئی جس کے بعد پروازوں کی روانگی کا آغاز ہو گیا ہے۔
ایندھن کی عدم فراہمی اور انتظامی مسائل کی وجہ سے پی آئی اے کا شیڈول شدید متاثر ہوا تھا جس کے سبب ملکی و غیر ملکی 19 پروازیں منسوخ ہوئیں تھی جب کہ 20 سے زائد ملکی و غیر ملکی پروازوں کی روانگی میں غیر معمولی تاخیر ہوئی۔
تاہم اب ترجمان پی آئی اے کی جانب سے بتایا گیا ہےکہ آج صبح قومی ائیر لائن کو فیول کی فراہمی شروع کر دی گئی ہے جس کے بعد مختلف ائیرپورٹس پر رکی ہوئی پروازوں کی روانگی کا سلسلہ شروع ہوگیا ہے۔
ترجمان کے مطابق پاکستان اسٹیٹ آئل سے یومیہ بنیادوں پر فیول کی فراہمی کا معاہدہ ہو گیا ہے جس کے تحت پی آئی اے روزانہ 10 کروڑ روپے کی ادائیگی کرے گی اور اسی حساب سے فیول کی فراہمی ہوجائے گی۔
ترجمان نے مزید بتایا کہ فیول کی فراہمی کے بعد گزشتہ رات سے لاہور میں رکی پرواز پی کے 307 کراچی روانہ ہوگئی ہے جب کہ اسلام آباد میں رات سے رکی ہوئی پرواز پی کے 309 بھی کراچی روانہ کی جارہی ہے۔
مزید خبریں :
انٹربینک میں ڈالر مہنگا ہوگیا
4 گھنٹے پہلے
ملک میں فی تولہ سونےکی قیمت کتنی ہے؟
6 گھنٹے پہلے
پاور سیکٹر کو مزید 50 ارب روپے سے زائد کی سبسڈی دینے کا فیصلہ
22 دسمبر ، 2024
دو روز کی کمی کے بعد فی تولہ سونا یکدم سیکڑوں روپے مہنگا ہوگیا
21 دسمبر ، 2024
پاکستان میں سونے کی درآمدات تاریخ کی بلند ترین سطح پر پہنچ گئیں
20 دسمبر ، 2024
