18 اکتوبر ، 2023 
ورلڈکپ : آسٹریلیا کیخلاف میچ سے قبل وسیم اکرم کا شاہین کو اہم مشورہ
18 اکتوبر ، 2023
پاکستان کرکٹ ٹیم کے سابق کپتان وسیم اکرم نے ورلڈکپ میں آسٹریلیا سے میچ سے قبل فاسٹ بولر شاہین آفریدی کو اہم مشورہ دیا ہے۔
شاہین آفریدی نے اب تک آئی سی سی ورلڈ کپ 2023 کے دوران 3 میچز میں 34.75 کی اوسط سے 4 وکٹیں حاصل کیں جبکہ ان کا اکانومی ریٹ 6.31 رہا جو کہ زیادہ ہے۔
سابق کپتان وسیم اکرم نے رواں ورلڈکپ میں اب تک متاثر کن کارکردگی نہ دکھانے والے شاہین آفریدی کو مشورہ دیتے ہوئے کہا ہے کہ ' شاہین اچھی بولنگ کر رہا ہے، اس کا اعتماد تھوڑا کم ہے لیکن وہ وکٹ لینے والا بولر ہے'۔
وسیم اکرم نے نجی اسپورٹس چینل پر گفتگو کرتے ہوئے کہا کہ اگر شاہین وکٹیں نہیں لے رہا تو اسے چاہیے کہ وہ نارمل رہے اور کچھ غیر معمولی کرنے کی کوشش نہ کرے، مجھے یقین ہے کہ ایک اچھا اسپیل اور نئی گیند کے ساتھ وکٹیں اس کے اعتماد میں اضافہ کریں گی۔
واضح رہے کہ پاکستان نے اب تک ورلڈکپ میں 3 میچز کھیلیں ہیں جس میں 2 میں کامیابی اور ایک میں شکست ہوئی۔
پاکستان کو اپنا اگلا میچ 20 اکتوبر کو آسٹریلیا کے خلاف بنگلورو میں کھیلنا ہے۔
مزید خبریں :
لیور پول نے انگلش پریمیئر لیگ کا ٹائٹل جیت لیا
2 گھنٹے پہلے
پی ایس ایل 10 کے 2 میچ ری شیڈول کر دیےگئے
4 گھنٹے پہلے
آئی پی ایل میں امپائرز کو ایک میچ کی کتنی فیس ملتی ہے؟
11 گھنٹے پہلے
پی ایس ایل 10: دو میچز کے شیڈول میں تبدیلی کا امکان
27 اپریل ، 2025
