کینسر اور امراض قلب سے خود کو بچانا چاہتے ہیں؟

کینسر اور امراض قلب سے خود کو بچانا چاہتے ہیں؟ تو تیزی سے چلنا عادت بنالیں۔

یہ بات برطانیہ میں ہونے والی ایک نئی طبی تحقیق میں سامنے آئی۔

Leicester یونیورسٹی کی تحقیق میں بتایا گیا کہ تیزی سے چلنے کی عادت کینسر یا امراض قلب سے موت کا خطرہ کم کرتی ہے۔

اس تحقیق میں 4 لاکھ افراد کے ڈیٹا کی جانچ پڑتال کی گئی اور پھر ان کی صحت کا جائزہ 12 سال تک لیا گیا۔

چلنے پھرنے میں مشکلات کا سامنا؟ تو یہ الزائمر امراض کی ابتدائی نشانی ہو سکتی ہے

دماغی تنزلی کا باعث بننے والی اس مرض کا ابھی کوئی مؤثر علاج موجود نہیں۔

تحقیق میں شامل افراد کی اوسط عمر 57 سال تھی اور ان میں سے 52.6 فیصد معتدل، 40.8 فیصد تیز جبکہ 6.6 فیصد سست روی سے چلنے کے عادی تھے۔

تحقیق میں 3 میل فی گھنٹہ سے کم رفتار کو سست، 3 سے 4 میل فی گھنٹہ کی رفتار کو معتدل جبکہ 4 میل فی گھنٹہ سے زائد رفتار کو تیز قرار دیا گیا تھا۔

ایک دہائی سے زائد عرصے کے دوران 22 ہزار سے زیادہ افراد انتقال کر گئے تھے۔

نتائج سے معلوم ہوا کہ تیز رفتاری سے چلنے والے افراد میں کینسر سے موت کا خطرہ 25 فیصد تک گھٹ جاتا ہے۔

نیند کے دورانیے میں معمولی کمی بھی صحت کے لیے نقصان دہ

نیند کا دورانیہ 7 گھنٹے سے کم ہونا امراض قلب سے متاثر ہونے کا خطرہ بڑھا دیتا ہے۔

اسی طرح تیز چلنے سے امراض قلب سے موت کا خطرہ 60 فیصد جبکہ کسی بھی وجہ سے موت کا خطرہ 70 فیصد تک کم ہو جاتا ہے۔

درحقیقت معتدل رفتار سے چلنے سے بھی مختلف وجوہات سے موت کا خطرہ کم ہو جاتا ہے۔

محققین نے بتایا کہ سست روی کی بجائے معتدل اور تیز رفتاری سے چلنے سے امراض قلب، کینسر اور دیگر وجوہات سے موت کا خطرہ نمایاں حد تک کم کیا جا سکتا ہے۔

انہوں نے کہا کہ اس سے عندیہ ملتا ہے کہ چلنے کی رفتار سے دل کی شریانوں کے امراض اور دیگر بیماریوں سے موت کے خطرے کی پیشگوئی کی جا سکتی ہے۔

مگر ان کا کہنا تھا کہ اس حوالے سے مزید تحقیق کی ضرورت ہے تاکہ نتائج کی تصدیق ہوسکے۔

نائٹ شفٹ صحت کیلئے خطرناک کیوں؟

حال ہی میں کی جانے والی تحقیق میں انسان کے کھانے کے اوقات اور صحت پر پڑنے والے اثرات کے درمیان پائے جانے والے تعلق کو دریافت کیا گیا ہے۔

محققین کے مطابق ہم لوگوں کو مشورہ دیتے ہیں کہ وہ اپنے چلنے کی رفتار کو بڑھائیں تاکہ مختلف امراض کا خطرہ کم ہو سکے۔

انہوں نے مزید کہا کہ جسمانی طور پر متحرک رہنے سے صحت بہتر ہوتی ہے۔

اس تحقیق کے نتائج جرنل Progress in Cardiovascular Diseases میں شائع ہوئے۔