23 اکتوبر ، 2023 
آمدن سے زائد اثاثہ جات کیس: احتساب عدالت نے اسحاق ڈار کو بری کردیا
23 اکتوبر ، 2023
اسلام آباد: سابق وزیر خزانہ اسحاق ڈار کو احتساب عدالت نے آمدن سے زائد اثاثہ جات کے کیس میں بری کردیا۔
احتساب عدالت نے اسحاق ڈار کی بریت کی درخواست منظور کرلی، نیب کی کلین چٹ کے بعد عدالت نے اسحاق ڈار کی درخواست منظور کی۔
اسحاق ڈار کے خلاف آمدن سے زائد اثاثہ جات ریفرنس 2017 میں بنا تھا، عدالت نے آمدن سے زائد اثاثہ جات کیس میں 3 شریک ملزمان کو بھی بری کردیا۔
احتساب عدالت کے جج محمد بشیر نے محفوظ فیصلہ سنایا۔
نیب پراسیکیوٹر کا کہنا تھا کہ اسحاق ڈارکےخلاف ثبوت ہیں نہ مزید تحقیقات کی ڈائریکشن ہیں، وکیل صفائی کے مطابق اسحاق ڈارنے الیکشن کمیشن میں تمام گوشوارے جمع کرائےتھے۔
واضح رہے کہ احتساب عدالت نے اسحاق ڈارکےخلاف نیب ریفرنس داخل دفترکردیا تھا، سپریم کورٹ کےفیصلےکےبعداحتساب عدالت نےاسحاق ڈارکےخلاف ریفرنس پردوبارہ سماعت کی۔
