25 اکتوبر ، 2023 
ورلڈکپ ختم نہیں ہوا، پاکستان ٹیم کے پاس آگے جانے کے مواقع ہیں، عبداللہ شفیق
25 اکتوبر ، 2023
پاکستان کرکٹ ٹیم کے اوپنر عبداللہ شفیق کاکہنا ہے کہ ورلڈکپ ختم نہیں ہوا، پاکستان ٹیم کے پاس آگے جانے کے مواقع ہیں۔
چنئی میں پاکستانی میڈیا سے گفتگو کرتے ہوئے عبداللہ شفیق نے کہا کہ ہمارا فوکس آگے کے میچز پر ہے کہ اس میں اچھا کھیلیں اور آگے بڑھیں۔
انہوں نے کہا کہ کرکٹ گیم ہے، انفرادی کارکردگی کا نہیں سوچتا، جتنے بھی رنز بنیں بس ٹیم کے کام آئیں،کوشش یہی ہوتی کہ ٹیم کو اچھا آغاز فراہم کروں۔
عبداللہ شفیق کا کہنا تھا کہ جنوبی افریقا اچھا کھیل رہی ہے اس کے خلاف میچ چیلنج سمجھ کر کھیلیں گے، پاکستان ٹیم نے اب تک ورلڈکپ میں اپنا بیسٹ کھیل پیش نہیں کیا، جس روز ٹیم اپنا بیسٹ کھیل پیش کرے گی تو نتیجہ بھی اچھا آئے گا۔
انہوں نے کہا کہ گزشتہ میچز میں ہماری فیلڈنگ میں کمزوری رہی ہے، اس کو بہتر بنانے کی کوشش کر رہے ہیں۔
واضح رہے کہ ورلڈکپ ٹورنامنٹ میں پاکستان ٹیم 14 اکتوبر کو بھارت، 20 اکتوبر کو آسٹریلیا اور پھر 23 اکتوبر کو افغانستان سے شکست کے بعد ورلڈکپ سیمی فائنل میں کوالیفائی کرنے کے راستے دشوار کر چکی ہے۔
پاکستان اب 27 اکتوبر کو اپنا اگلا میچ چنئی کے چدم برم اسٹیڈیم میں میگا ایونٹ کی مضبوط ترین ٹیم جنوبی افریقا کے خلاف کھیلے گا۔
مزید خبریں :
باکسنگ ڈے ٹیسٹ میچ کے پیچھے کہانی کیا ہے؟
7 گھنٹے پہلے
بھارتی کرکٹر کے ہاں بیٹے کی پیدائش
25 دسمبر ، 2024
چیمپئنز ٹرافی کی میزبانی کیلئے بہت پرجوش ہیں: محمد رضوان
25 دسمبر ، 2024
