31 اکتوبر ، 2023 
ایلون مسک کی ملکیت میں جانے کے بعد ایکس کی قدر میں 50 فیصد سے زیادہ کمی
31 اکتوبر ، 2023
دنیا کے امیر ترین شخص ایلون مسک نے اکتوبر 2022 میں 44 ارب ڈالرز میں سوشل میڈیا پلیٹ فارم ٹوئٹر (جس کا نام اب ایکس رکھ دیا گیا ہے) کو خریدا تھا۔
ایلون مسک کی ملکیت میں جانے کے ایک سال بعد اس سوشل میڈیا پلیٹ فارم کی مالیت 50 فیصد سے بھی زیادہ گھٹ گئی ہے۔
بلومبرگ کی ایک رپورٹ کے مطابق اس وقت ایکس کے ایک حصص کی قیمت 45 ڈالر ہے اور مجموعی مالیت 19 ارب ڈالرز ہے۔
ایلون مسک نے ٹوئٹر کے زیادہ تر ملازمین کو نکال دیا ہے جبکہ کمپنی کا نام بھی تبدیل کرکے ایکس رکھ دیا۔
اسی طرح ایلون مسک کی ملکیت میں جانے کے بعد سے ایکس کو مالی مشکلات کا سامنا ہے اور اس کی اشتہاری آمدنی میں 50 فیصد سے زیادہ کمی آئی ہے۔
اس کمپنی نے اربوں ڈالرز کا قرضہ بھی ادا کرنا ہے جبکہ سبسکرپشن پروگرامز اور دیگر ذرائع سے آمدنی میں اضافے کی کوششیں تاحال کامیاب نہیں ہوسکی ہیں۔
اب تک ایکس کے ایک فیصد سے بھی کم صارفین نے سبسکرپشن پروگرام میں شمولیت اختیار کی ہے۔
دسمبر 2022 میں ایلون مسک نے کہا تھا کہ 2023 میں حالات کافی حد تک بہتر ہو جائیں گے، مگر اب تک ایسا نہیں ہوسکا۔
ایلون مسک ایکس کو سپر ایپ میں تبدیل کرنے کی بھی کوشش کر رہے ہیں جس سے انہیں توقع ہے کہ کمپنی کی آمدنی میں اضافہ ہوگا، مگر ایسا کب تک ہوگا، ابھی یہ کہنا مشکل ہے۔
مزید خبریں :
تمام اسمارٹ فونز کے لیے اب صرف ایک چارجر استعمال ہوگا
29 دسمبر ، 2024
یوٹیوب میں ایک نئے گیم چینجر فیچر کا اضافہ
29 دسمبر ، 2024
وہ آسان ٹِرکس جو اینڈرائیڈ فونز کی اسپیڈ تیز کرتی ہیں
29 دسمبر ، 2024
