07 نومبر ، 2023 
محض ایک رات کی خراب نیند کا نقصان جان لیں
07 نومبر ، 2023
کیا آپ کے خیال میں ایک رات نہ سونے سے صحت پر منفی اثرات مرتب نہیں ہوتے؟
تو ایک نئی طبی تحقیق کے نتائج دنگ کر دیں گے۔
درحقیقت محض ایک رات کی خراب نیند دل کی صحت پر منفی اثرات مرتب کرسکتی ہے۔
امریکا کی کیلیفورنیا یونیورسٹی کی تحقیق میں بتایا گیا کہ ایک رات کی خراب نیند سے جسمانی توانائی میں ہی کمی نہیں آتی بلکہ دل کی دھڑکن بے ترتیب ہونے کا خطرہ بھی نمایاں حد تک بڑھ جاتا ہے۔
خیال رہے کہ دل کی دھڑکن کی ترتیب بگڑنے سے ہارٹ فیلیئر، فالج اور دیگر امراض قلب کا خطرہ بڑھتا ہے۔
اس تحقیق میں 419 افراد کو شامل کیا گیا تھا۔
ان افراد کی دل کی دھڑکن میں بے ترتیبی کے مسئلے کا سامنا تھا اور یہ دیکھا گیا کہ ان کی نیند کا معیار کیسا ہے۔
نتائج سے معلوم ہوا کہ محض ایک رات کی خراب نیند سے دل کی دھڑکن کی ترتیب متاثر ہونے کا خطرہ 15 فیصد تک بڑھ جاتا ہے۔
اگر نیند کی کمی کا سلسلہ کئی دن یا ہفتوں تک برقرار رہے تو یہ خطرہ مزید بڑھ جاتا ہے۔
تحقیق میں مزید بتایا گیا کہ کئی بار بے خوابی کے مسئلے پر قابو پانا مشکل ہوتا ہے مگر اکثر کیسز میں لوگ اپنے نیند کے معیار کو کنٹرول کر سکتے ہیں۔
محققین کے مطابق سونے کا ایک وقت طے کرلینا چاہیے اور روزانہ اسی وقت بستر پر جانا چاہیے۔
انہوں نے مزید کہا کہ سونے سے کچھ دیر قبل چائے یا کافی کے استعمال سے گریز کریں جبکہ ڈیجیٹل ڈیوائسز کو بھی دور رکھیں۔
ان کا کہنا تھا کہ ورزش کو معمول بنانے، دوپہر کی نیند سے گریز اور ہر صبح ایک وقت پر اٹھنے سے نیند کا معیار بہتر بنانے میں مدد ملتی ہے۔
اس تحقیق کے نتائج JACC: Clinical Electrophysiology میں شائع ہوئے۔
مزید خبریں :
توند کی چربی گھلانے کے لیے ہر ہفتے کتنی ورزش کرنی چاہیے؟
20 دسمبر ، 2024
آپ کی وہ عام عادت جو گردوں کے تکلیف دہ امراض کا شکار بنادیتی ہے
20 دسمبر ، 2024
ڈپریشن جیسے عام مرض سے بچنے کا آسان ترین طریقہ
17 دسمبر ، 2024
بلوچستان میں انسداد پولیو مہم ایک بار پھر مؤخر کردی گئی
17 دسمبر ، 2024
ہائی بلڈ پریشر کا خطرہ ظاہر کرنے والی علامات اور نشانیاں
15 دسمبر ، 2024
