21 نومبر ، 2023 
سعودی ولی عہدکا تمام ممالک سے اسرائیل کو ہتھیاروں کی فراہمی روکنےکا مطالبہ
21 نومبر ، 2023
سعودی ولی عہد شہزادہ محمد بن سلمان نے1967 کی حد بندی کے تحت خود مختار فلسطینی ریاست کے قیام کو ضروری قرار دیتے ہوئے تمام ممالک سے اسرائیل کو ہتھیاروں کی فراہمی روکنےکا مطالبہ کیا ہے۔
غزہ کی صورتحال پر غور کے لیے دنیا کی ابھرتی ہوئی بڑی معیشتوں کے اتحاد برکس کے سربراہی اجلاس سے ورچوئل خطاب کرتے ہوئے سعودی ولی عہد شہزادہ محمد بن سلمان کا کہنا تھا کہ غزہ پٹی پر اسرائیلی وحشیانہ حملوں کی شدید مذمت کرتے ہیں، غزہ میں فوری طور پر انسانی امداد پہنچانی ہوگی۔
سعودی ولی عہد کا کہنا تھا کہ غزہ پر حملے روکنےکے لیے تمام ممالک سے اسرائیل کو ہتھیاروں کی فراہمی روکنے کا مطالبہ کرتے ہیں، 1967 کی حد بندی کے تحت خودمختار فلسطینی ریاست کا قیام ضروری ہے۔
ان کا کہنا تھا کہ مسئلہ فلسطین کے حل کے لیے جامع امن مذاکرات کی شروعات ہونا وقت کی اہم ضرورت ہے، غزہ میں انسانیت سوز مظالم روکنےکے لیے اجتماعی جدوجہد کی ضرورت ہے، غزہ میں انسانی امداد پہنچانےکے لیے محفوظ راہداریاں بنائی جائیں۔
انہوں نے مزید کہا کہ فلسطینیوں کی غزہ پٹی سےجبری بیدخلی ناقابل قبول ہے، اسرائیل غزہ پٹی میں فوجی کارروائیاں فوری طور پر روکے، سعودی عرب نےکشیدگی کے اول روز سے نہتے شہریوں کے تحفظ کی یقین دہانی کی تاکیدکی تھی۔
مزید خبریں :
غزہ پر اسرائیلی بمباری سے مزید 38 فلسطینی شہید
1 گھنٹے پہلے
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
چچا کے تھپڑ مارنے پر 3 سالہ بھتیجی جان سے چلی گئی
22 نومبر ، 2024
