Election 2024 Election 2024

پی آئی اے کا ایک اور فضائی میزبان کینیڈا میں لاپتہ ہوگیا

گزشتہ ماہ بھی 2 فضائی میزبان کینیڈا میں سلپ ہوئے تھے: ائیرلائنز ذرائع— فوٹو:فائل
گزشتہ ماہ بھی 2 فضائی میزبان کینیڈا میں سلپ ہوئے تھے: ائیرلائنز ذرائع— فوٹو:فائل

پاکستان انٹرنیشنل ائیر لائنز (پی آئی اے) کا ایک اور فضائی میزبان کینیڈا میں لاپتہ ہوگیا۔

ذرائع کے مطابق ممکنہ طور پر پی آئی اے کا فضائی میزبان ایازقریشی کینیڈا پہنچ کرسلپ ہوا ہے، گزشتہ ماہ بھی 2 فضائی میزبان کینیڈا میں سلپ ہوئے تھے۔

ذرائع کا کہنا ہے کہ فضائی میزبان ایاز قریشی کا تعلق پی آئی اے لاہور بیس سے ہے، اس  نے ٹورنٹو سے واپسی کی پرواز کیلئے ڈیوٹی پر رپورٹ نہیں کیا۔

دوسری جانب ترجمان پی آئی اے نے فضائی میزبان ایاز قریشی کے کینیڈا میں لاپتہ ہونے کی تصدیق کر دی۔

ترجمان نے کہا کہ کینیڈین حکام کے تعاون سے معاملے کی تحقیقات کر رہے ہیں،  ایاز قریشی اگر غیرقانونی رہائش کیلئے سلپ ہوا ہے تومحکمہ جاتی کارروائی کی جائے گی۔


مزید خبریں :