کراچی کے عوام اب ایم کیو ایم کے کسی جھانسے میں نہیں آئیں گے: پی پی رہنما

متحدہ قومی موومنٹ (ایم کیو ایم) کے رہنماؤں کی تقاریر پر ردعمل دیتے ہوئے پاکستان پیپلز پارٹی (پی پی)  کے سینیئر رہنما سینیٹر وقار مہدی نے کہا ہے کہ متحدہ والوں نے کراچی میں اس قدر خوں ریزی کی کہ بادل برسنا بند ہوگئے تھے، کراچی کے عوام اب ایم کیو ایم کے کسی جھانسے میں نہیں آئیں گے۔

انہوں نے کہا کہ ایم کیو ایم 40 برسوں سے مختلف حکومتوں میں شراکت دار رہی مگر کراچی کی عوام کی کوئی خدمت نہیں کی۔

پی پی سینیٹر کا کہنا تھا کہ شکست کی شرمندگی سے بچنے کیلئے ایم کیو ایم عام انتخابات سے فرار اختیار کر سکتی ہے، پتنگ کو کنّوں سے کاٹیں گے۔

سندھ کے حکمرانوں نے 15 سال تک کرپشن کی اور اب یہ سکیورٹی رسک بن گیا ہے: ایم کیو ایم

اگر کسی سیاسی پارٹی کے سربراہ سے مل رہے ہیں تو ان سے عہدے اور وزارتیں نہیں مانگی بلکہ ضلعی اور نچلی سطح تک اختیارات مانگے ہیں: ایم کیو ایم رہنما

خیال رہے کہ کراچی کے علاقے گلشن اقبال میں جلسے سے خطاب کرتے ہوئے ایم کیو ایم رہنماؤں کا کہنا تھا کہ سندھ کے حکمرانوں نے 15 سال تک کرپشن کی اور اب یہ سکیورٹی رسک بن گیا ہے۔

ان کا کہنا تھا کہ 15 سالوں سے سندھ کے اداروں، اختیارات اور وسائل پر قابض حکمرانوں نے شہر کو کچھ نہیں دیا، اب کرپشن کے پیسوں سے انتخابات خریدنے کی تیاری کی جارہی ہے۔