افغان طالبان کے کمانڈر دہشتگردوں کو سپورٹ کررہے ہیں: وزیر اطلاعات بلوچستان

کوئٹہ: بلوچستان کے نگران وزیر اطلاعات جان اچکزئی نے کہا ہےکہ  افغان طالبان کے کمانڈر دہشتگردوں کو سپورٹ کررہے ہیں۔

جیو نیوز کے پروگرام جیو پاکستان میں گفتگو کرتے ہوئے جان اچکزئی نےکہا کہ افغانستان میں دہشتگردوں کی پناہ گاہیں ہیں اور افغانستان میں موجود پناہ گاہوں کا پاکستان میں موجود دہشتگردی سے تعلق ہے۔

نگران وزیر اطلاعات بلوچستان کا امریکا کو اڈے دینے سے متعلق تجویز پر تبصرے سےگریز

جان اچکزئی سے منسوب بیان سوشل میڈیا پر وائرل ہو رہا ہے اور صارفین کی جانب سے ان پر کڑی تنقید کی جارہی ہے

انہوں نے کہا کہ ان پناہ گاہوں کی طرف جانےکی ضرورت ہے جہاں سے یہ نیٹ ورک آپریٹ ہوتے ہیں، افغان طالبان کے کمانڈر دہشتگردوں کو سپورٹ کررہے ہیں،  دہشتگرد پاکستان کے بارڈر کو کراس کرکے حملہ کرتے ہیں، ہمیں دہشتگردی سے متعلق کوئی حکمت عملی بنانی ہوگی، دہشتگردوں کو امریکی اسلحہ فراہم کیا جارہا ہے۔

نگران وزیر کا کہنا تھا کہ دوسرا تھریٹ اسی نیت ورک کا پاکستان کے اندر آپریٹ کرر ہا ہے، ڈی آئی خان میں جو ہوا اس سے پتا چلتا ہے دہشتگردی کا نیٹ ورک منظم ہے۔