ہڈیوں کو ہمیشہ مضبوط رکھنا چاہتے ہیں؟ تو یہ مزیدار پھل آج ہی کھانا شروع کر دیں

اگر آپ عمر بڑھنے کے ساتھ ہڈیوں کو مضبوط بنانا چاہتے ہیں تو اس خشک پھل کا استعمال عادت بنالیں جو ہر موسم میں آسانی سے دستیاب ہوتا ہے۔

یہ بات امریکا میں ہونے والی ایک طبی تحقیق میں سامنے آئی۔

پنسلوانیا اسٹیٹ یونیورسٹی کی تحقیق میں بتایا گیا کہ روزانہ خشک آلو بخارے کھانے سے عمر بڑھنے سے ہڈیوں میں آنے والی کمزوری سے بچنے میں مدد مل سکتی ہے۔

اس تحقیق میں 183 خواتین کو شامل کیا گیا تھا کیونکہ مردوں کے مقابلے میں خواتین میں ہڈیوں کے مسائل زیادہ عام ہوتے ہیں۔

ہڈیوں کو مضبوط بنانے کے لیے بہترین پھل

ایسا مانا جاتا ہے کہ یہ ہاضمے کے لیے بہت فائدہ مند ہے مگر یہ ہڈیوں کی صحت کے لیے مفید ہے۔

ان خواتین کو 3 گروپس میں تقسیم کیا گیا۔

ایک گروپ میں ایسی خواتین شامل تھیں جو خشک آلو بخاروں کا استعمال نہیں کرتی تھیں، دوسرے گروپ میں شامل خواتین روزانہ 50 گرام خشک آلو بخاروں کا استعمال کرتی تھیں جبکہ تیسرے گروپ میں شامل خواتین روزانہ 100 گرام خشک آلو بخارے کھاتی تھیں۔

تحقیق کے آغاز اور اختتام میں ان خواتین کے جسمانی ورم، تکسیدی تناؤ اور مدافعتی نظام کی جانچ پڑتال کی گئی۔

12 ماہ کے کلینیکل ٹرائل کے دوران خشک آلو بخاروں کے ساتھ تمام خواتین روزانہ کیلشیئم اور وٹامن ڈی 3 بھی استعمال کرایا گیا۔

عمر کے ساتھ ہڈیوں کو مضبوط بنانے میں مددگار غذائیں

اگر خیال نہ رکھا جائے تو عمر بڑھنے کے ساتھ ہڈیوں کا حجم گھٹنے لگتا ہے جس سے ان کے ٹوٹنے کا خطرہ بڑھتا ہے۔

نتائج سے معلوم ہوا کہ 50 سے 100 گرام (5 سے 12) خشک آلو بخارے روز کھانے سے جسم میں ورم بڑھانے کا باعث بننے والے پروٹینز کی سطح میں کمی لانے میں مدد ملتی ہے۔

محققین نے بتایا کہ نتائج سے معلوم ہوتا ہے کہ خشک آلو بخاروں میں موجود حیاتیاتی مرکبات، وٹامنز، منرلز اور دیگر سے ہڈیوں کو نقصان پہنچانے والے ورم سے بچانے میں مدد ملتی ہے۔

انہوں نے مزید بتایا کہ پرانی تحقیقی رپورٹس میں بھی خشک آلو بخاروں کو ہڈیوں کی صحت کے لیے بہترین قرار دیا گیا ہے۔

ان کا کہنا تھا کہ ماضی میں ہمارے تحقیقی کام سے ثابت ہوا تھا کہ روزانہ 5 سے 6 خشک آلو بخارے کھانے والی خواتین کے کولہوں کی ہڈیوں کی کثافت بڑھتی ہے۔

آپ کا طرز زندگی ہڈیوں کی صحت کو متاثر کرتا ہے

وقت گزرنے کے ساتھ ساتھ ہماری ہڈیاں کمزور اور نازک ہونا شروع ہوجاتی ہیں

اس تحقیق کے نتائج جرنل آف نیوٹریشن میں شائع ہوئے۔

اکتوبر 2022 میں اسی یونیورسٹی کی 2 تحقیقی رپورٹس میں بتایا گیا تھا کہ روزانہ خشک آلو بخارے کھانے سے ہڈیوں کی کمزوری اور حجم میں کمی کی روک تھام ممکن ہوسکتی ہے۔

ان تحقیقی رپورٹس میں 235 خواتین کو شامل کیا گیا تھا۔

پہلی تحقیق میں ورم اور ہڈیوں کی صحت کے درمیان تعلق کا جائزہ لیا گیا۔

وہ عام عادت جس کے باعث جوان افراد میں امراض قلب کے کیسز میں نمایاں اضافہ ہوا ہے

بچپن میں زیادہ وقت بیٹھ کر گزارنے سے بلوغت میں بلڈ کولیسٹرول کی سطح میں دوتہائی حد تک اضافہ ہوتا ہے۔

نتائج سے معلوم ہوا کہ ورم اور تکسیدی تناؤ ہڈیوں کی صحت پر منفی اثرات مرتب کرتے ہیں، جیسے ہڈیوں کا حجم گھٹنے لگتا ہے۔

دوسری تحقیق میں خشک آلو بخارے کھانے کی عادت سے ہڈیوں پر مرتب اثرات کا جائزہ لیا گیا۔

اس مقصد کے لیے 4 گروپس بنائے گئے جن میں سے ایک کو اس پھل سے دور رکھا گیا، دوسرے گروپ کو روزانہ 5 سے 6 اور تیسرے گروپ کو روزانہ 10 سے 12 خشک آلو بخارے کھانے کی ہدایت کی گئی۔

چوتھے گروپ میں شامل کچھ خواتین کو روزانہ 5 سے 6 جبکہ کچھ کو روزانہ 10 سے 12 خشک آلو بخارے کھانے کی ہدایت کی گئی۔

کیا ورزش سے دیگر نقصان دہ عادات کے خطرات سے بچنا ممکن ہو سکتا ہے؟

طویل اور صحت مند زندگی کے لیے ورزش کے ساتھ ساتھ دیگر عناصر کا کرداربھی بہت اہم ہوتا ہے۔

نتائج سے معلوم ہوا کہ خشک آلوبخارے کھانے سے ہڈیوں کی صحت بہتر ہوتی ہے۔

انہوں نے بتایا کہ اس سے قبل بھی تحقیقی رپورٹس میں معلوم ہوا تھا کہ خشک آلوبخارے کھانے سے ہڈیوں کی صحت بہتر ہوتی ہے اور اب پھر اس کی تصدیق ہوئی ہے۔

انہوں نے مزید بتایا کہ خشک آلوبخاروں میں متعدد وٹامنز اور منرلز موجود ہوتے ہیں جو ہڈیوں کے لیے اہم ہوتے ہیں، مگر اس کے ساتھ ساتھ یہ پھل ورم کا مقابلہ بھی کرتا ہے جس سے بھی ہڈیوں کی صحت بہتر ہوتی ہے۔