جسٹس مظاہر نے سپریم جوڈیشل کونسل کے شوکاز نوٹس کا جواب جمع کرادیا

سپریم کورٹ کے جسٹس مظاہر علی اکبر نقوی نے اپنے خلاف شکایات  بے بنیاد  اور جوڈیشل کونسل کی کارروائی بلاجواز  قرار  دے دی ۔

سپریم جوڈیشل کونسل میں اپنے کےخلاف ریفرنس کے معاملے پر  جسٹس مظاہر علی اکبر نقوی نے دوسرے شوکاز  نوٹس پر جواب جمع کرا دیا  ہے۔

ذرائع کے مطابق جسٹس مظاہر علی اکبر نقوی نے اپنے تفصیلی جواب میں کہا ہےکہ میرے خلاف  شکایات  بے بنیاد ہیں، آئینی درخواستیں  زیر سماعت ہونےکے  بعد جوڈیشل کونسل کی کارروائی بلاجواز  ہے۔

خیال رہے کہ سپریم جوڈیشل کونسل  نے جسٹس مظاہر علی اکبر نقوی کو جواب جمع کرانےکے لیے آخری موقع دیا تھا ۔

سپریم جوڈیشل کونسل کا  آئندہ اجلاس 11 جنوری کو ہوگا۔

سپریم جوڈیشل کونسل میں جسٹس مظاہر نقوی کے مطالبے پر ان کیخلاف اوپن کارروائی کا آغاز

جسٹس مظاہرنقوی نے جوڈیشل کونسل کی کارروائی اوپن کرنے کا مطالبہ کیا تھا جس پر کونسل نے ان کی درخواست متفقہ طورپرمنظورکرلی ہے، ذرائع

جسٹس مظاہر کیخلاف شکایات، سپریم جوڈیشل کونسل کا اجلاس 14 دسمبر کو طلب

سیکرٹری سپریم جوڈیشل کونسل نے پانچوں ممبران کو نوٹس بھیج دیا ہے: ذرائع