07 جنوری ، 2024 
یوٹیوب پر اب گیمز کھیلنا بھی ممکن
07 جنوری ، 2024
اگر آپ یوٹیوب پر ویڈیوز دیکھنے کی بجائے گیمز کھیلنا چاہتے ہیں تو ایسا ممکن ہے۔
جی ہاں واقعی کم از کم یوٹیوب پریمیئم کے صارفین مختلف آن لائن گیمز اس ویڈیو شیئرنگ سروس پر کھیل سکتے ہیں۔
پلے ایبلز نامی یہ تجرباتی فیچر سب سے پہلے ستمبر میں محدود افراد کے لیے متعارف کرایا گیا تھا۔
مگر گزشتہ چند ہفتوں سے یہ فیچر تمام پریمیئم صارفین کو دستیاب ہے۔
مجموعی طور پر یوٹیوب صارفین کے لیے 37 گیمز دستیاب ہیں اور انہیں ڈاؤن لوڈ یا انسٹال کرنے کی ضرورت نہیں بلکہ موبائل ایپ یا ڈیسک ٹاپ پر انہیں کھیلنا ممکن ہے۔
صارفین ان گیمز کی لائبریری کو ایکسپلور ٹیب کے پلے ایبلز سیکشن میں دیکھ سکتے ہیں۔
یوٹیوب میں اکثر اس طرح کے تجربات کیے جاتے ہیں اور آغاز میں اس طرح کے فیچرز ماہانہ فیس ادا کرنے والے صارفین کے لیے متعارف کرائے جاتے ہیں، جس کے بعد انہیں مستقل رکھنے کا فیصلہ کیا جاتا ہے اور پھر دیگر افراد کے لیے بھی پیش کر دیا جاتا ہے۔
ویسے تو صارفین گیمز کے لیے یوٹیوب کی سبسکرپشن سروس کا حصہ بننے کے لیے تیار نہیں ہوں گے مگر کمپنی کو توقع ہے کہ اس سروس کو استعمال کرنے والے گیمز کھیل کر اپنی ممبر شپ برقرار رکھنے کا فیصلہ ضرور کر سکتے ہیں۔
مزید خبریں :
میٹا نے فیس بک میسنجر میں متعددد نئے فیچرز متعارف کرا دیے
24 نومبر ، 2024
بلیو اسکائی کے صارفین کی تعداد 2 کروڑ سے زائد ہوگئی
20 نومبر ، 2024
ایپل کا اب تک کا سب سے پتلا آئی فون
20 نومبر ، 2024
انسٹا گرام میں ایک بہت بڑی تبدیلی کر دی گئی
19 نومبر ، 2024
