پی ٹی آئی کے بلے کے نشان کا کیس 10 جنوری کو سماعت کیلئے مقرر

اسلام آباد: سپریم کورٹ نے تحریک انصاف کے بلے کے نشان کے لیے دائر درخواست  10 جنوری کو سماعت کے لیے مقرر کردی۔

سپریم کورٹ میں پی ٹی آئی لیول پلیئنگ فیلڈ سے متعلق درخواست کی سماعت کے دوران پی ٹی آئی رہنما حامد خان کو عدالت نے طلب کیا جس پر وہ روسٹرم پر آگئے۔

چیف جسٹس نے حامد خان سے پوچھا کہ کیا آپ کی درخواست کل مقرر کردیں؟ اس پر حامد خان نے استدعا کی کہ آج ہی سماعت کیلئے مقرر کردیں۔

چیف جسٹس قاضی فائز عیسیٰ نے کہا کہ آج 9 ممبربینچ بھی ہے اور ایک خصوصی بینچ بھی ہے، حامد خان نے کہا کہ ہماری ترجیح آج ہے، نہیں تو پھر پرسوں لگادیں۔

چیف جسٹس نے پوچھا کہ آپ فیصلے کےخلاف آئے یا 184/3 کی درخواست ہے؟ حامد خان نے کہا کہ پشاور ہائیکورٹ کے حکم کےخلاف 185/3 میں سپریم کورٹ آئے ہیں۔

چیف جسٹس نے کہا کہ بس پھرمعاملہ ججزکمیٹی کے پاس نہیں جانا تو پرسوں کیس مقرر ہوگیا۔

بعد ازاں عدالت نے بلے کے نشان کے کیس کو 10 جنوری کو سماعت کے لیے مقرر کردیا۔

لیول پلیئنگ فیلڈ کیس: الیکشن کمیشن مقدمات بھگتے یا انتخابات کرائے؟ چیف جسٹس

عدالت کے سامنے دکھڑے نہ روئیں، سب سے زیادہ درخواستیں پی ٹی آئی کی آ رہی ہیں اور سنی بھی جا رہی ہیں: جسٹس قاضی فائز عیسیٰ

بیرسٹر گوہر کی رجسٹرار سپریم کورٹ سے ملاقات، بلے کے نشان کی درخواست پر آج ہی سماعت کرانے کی استدعا

تحریک انصاف کے چیئرمین بیرسٹر گوہر نے پارٹی کے سینئر رہنما حامد خان کے ہمراہ سپریم کورٹ کے رجسٹرار سے ملاقات کی