19 جنوری ، 2024 
نیوزی لینڈ کیخلاف چوتھا ٹی ٹوئنٹی، ایک تبدیلی کیساتھ قومی ٹیم کی پلیئنگ الیون کا اعلان
19 جنوری ، 2024
پاکستان اور نیوزی لینڈ کے درمیان پانچ ٹی ٹوئنٹی میچز کی سیریز کے چوتھے میچ میں پاکستان پلیئنگ الیون کا اعلان کردیا گیا۔
کرائسٹ چرچ میں آج ہونے والے چوتھے ٹی ٹوئنٹی میچ کیلئے قومی ٹیم کی پلیئنگ الیون میں ایک تبدیلی کرتے ہوئے اعظم خان کی جگہ صاحبزادہ فرحان کو ٹیم میں شامل کیا گیا ہے۔
گیارہ کھلاڑیوں میں کپتان شاہین آفریدی، محمد رضوان صائم ایوب، بابراعظم اور فخر زمان کے نام شامل ہیں۔
صاحبزادہ فرحان افتخار احمد، محمد نواز، وسیم جونئیر، حارث رؤف اور زمان خان بھی پلیئنگ الیون میں شامل ہوں گے۔
یاد رہے کہ پاکستان اور نیوزی لینڈ کے درمیان چوتھا ٹی ٹوئنٹی میچ آج کرائسٹ چرچ میں دن گیارہ بجے کھیلا جائے گا، میچ کی تمام ٹکٹیں فروخت ہو چکی ہیں، آخری ساڑھے 8 ہزار ٹکٹ گزشتہ روز فروخت ہوئیں۔
یہ بھی یاد رہے کہ نیوزی لینڈ نے مسلسل تین ٹی ٹوئنٹی میچوں میں پاکستان کو شکست دے کر سیریز میں فیصلہ کن برتری حاصل کرلی ہے۔
نیوزی لینڈ کے شہر ڈنیڈن میں پانچ ٹی ٹوئنٹی میچز کی سیریز کے تیسرے میچ میں پاکستان نے ٹاس جیت کر پہلے فیلڈنگ کا فیصلہ کیا تھا، نیوزی لینڈ کی ٹیم نے مقررہ 20 اوورز میں 7 وکٹوں کے نقصان پر 224 رنز اسکور کیے۔
مزید خبریں :
لاہور قلندرز نے ڈیرن گوف کو ہیڈ کوچ مقررکردیا
01 نومبر ، 2024
ورلڈ اسنوکر چیمپئن شپ، آصف نے فیصلہ کن راؤنڈ میں جگہ بنالی
01 نومبر ، 2024
