شوہر عون چوہدری کی جیت پر برے کمنٹس کرنیوالوں کیلئے نور بخاری کا پیغام

پاکستان کی سابقہ اداکارہ نور بخاری نے شوہر اور استحکام پاکستان پارٹی (آئی پی پی) کے امیدوار عون چوہدری کی جیت پر ان کی پوسٹ پر نامناسب تبصرے کرنے والوں کو آڑے ہاتھوں لے لیا۔

غیر سرکاری و غیر حتمی نتائج کے مطابق نور بخاری کے شوہرعون چوہدری نے پنجاب کے دارالحکومت لاہور کے حلقہ این اے 128 سے کامیابی حاصل کی، انہوں نے  پاکستان تحریک انصاف کے آزاد امیدوار سلمان اکرم راجہ کو شکست دی۔

شوہر کی کامیابی کے بعد نور بخاری کی سوشل میڈیا پوسٹس پر صارفین نے غیر اخلاقی تبصرے کیےجس پر نور  نے انسٹاگرام اسٹوری میں ایسے کمنٹس کرنے والوں کو جواب دیا۔

سابقہ اداکارہ نے کسی کا نام لیے بغیر لکھا کہ صارفین اپنا غصہ ان کی پوسٹس پر نہ اتاریں اور مہربانی کرکے اپنی منفی سوچ خود تک محدود رکھیں۔

عون چوہدری کی اہلیہ نے مزید لکھا کہ کسی نے کیا خوب کہا ہے کہ جس کسی شخص کو اپنے گھر میں سالن میں کوئی دوسری بوٹی نہیں پوچھتا، وہ بھی سوشل میڈیا پر آکر معروف شخصیات کے خلاف لکھتے ہیں۔

این اے 128 لاہور سے عون چوہدری نے پی ٹی آئی کے آزاد میدوار سلمان اکرم راجہ کو ہرا دیا

استحکام پاکستان پارٹی کے عون چوہدری نے ایک لاکھ 72 ہزار 576 ووٹوں سے کامیابی حاصل کی

نور بخاری نے لکھا کہ ایسے لوگ اپنی بھڑاس شخصیات کی سوشل میڈیا پوسٹس پر آکر نکالتے ہیں۔

سابقہ اداکارہ نے یہ واضح نہیں کیا کہ صارفین نے ان کی کون سی پوسٹ پر کس طرح کے منفی کمنٹ کیے۔

واضح رہے کہ نور بخاری نے دو دن قبل انسٹاگرام پر عون چوہدری کی تصویر شیئر کی تھی جس پر قرآنی آیت درج تھی، انہوں نے اس پوسٹ پر تبصرے بند کیے ہوئے تھے۔