غزہ میں جنگ مسلط کرنے کے منفی اثرات اسرائیل کی معیشت پر پڑنے لگے

غزہ میں جنگ مسلط کرنے کے اثرات اسرائیل کی معیشت پر  پڑنے لگے۔

عرب میڈیا کے مطابق اسرائیل غزہ میں معصوم فلسطینوں کی نسل کشی پر اترا ہوا ہے جس کا اسرائیل کو بھاری نقصان اپنی معیشت پر  اٹھانا پڑ رہا ہے۔

کریڈٹ ریٹنگ ایجنسی موڈیز  نے اسرائیل کی کریڈٹ ریٹنگ کم کر دی ہے اور اسرائیل کی مقامی و غیر ملکی کرنسی کی کریڈٹ ریٹنگ اے ون سے کم کر کے اے ٹو کر دی گئی ہے۔

موڈیز کے مطابق اسرائیل کی کریڈٹ ریٹنگ آؤٹ لک کو منفی کر دیا گیا ہے، اس کے ساتھ ہی موڈیز نے یہ بھی کہا کہ جنگی صورتحال سے اسرائیل کی مالیاتی طاقت کمزور ہونے کا خطرہ بڑھا ہے۔

دوسری جانب اسرائیلی فضائی حملے میں حزب اللہ کے رہنما سمیت 3 افراد جاں بحق ہوگئے، جس کے جواب میں حزب اللہ نے بھی  اسرائیل میں 2 فوجی ٹھکانوں پر میزائل حملے کیے۔

جنگی جنون میں مبتلا نیتن یاہو نے فوج سے پناہ گزین علاقے رفح پر حملے کا پلان مانگ لیا

فلسطینیوں پر جارحانہ حملوں کی مسلسل خاموشی سے حمایت کرنے والے امریکی صدر جو بائیڈن نے بھی بالآخر غزہ پر اسرائیلی حملوں کو حد سے زیادہ قرار دے دیا

امریکا اور اقوام متحدہ کی مخالفت کے باوجود رفح پر اسرائیلی حملوں میں تیزی

اسرائیلی فوج کی جانب سے رفح کے مختلف حصوں میں 8 اور 9 فروری کو فضائی بمباری اور ٹینکوں سے گولہ باری کی گئی۔