این اے 15مانسہرہ کی ریٹرننگ افسر تبدیل، نیا آر او تعینات

الیکشن کمیشن نے این اے 15مانسہرہ کی ریٹرننگ افسر حاجرہ سمیع کو تبدیل کر کے ذاکر جدون کو نیا ریٹرننگ افسر تعینات کردیا۔

این اے 15 مانسہرہ سے  سابق وزیراعظم نواز شریف نے الیکشن لڑا تھا اور یہاں سے راجہ گستاسپ کو کامیابی ملی۔

راجہ گستاسپ کی کامیابی کو نوازشریف کی جانب سے چیلنج کیا گیا ہے۔

الیکشن کمیشن نے ریٹرننگ افسر حاجرہ سمیع کو تبدیل کر کے ذاکر جدون کو نیا ریٹرننگ افسر تعینات کیا ہے۔

این اے 15 مانسہرہ: آزاد امیدوار نے (ن) لیگ کے قائد نواز شریف کو شکست دیدی

پی ٹی آئی کے حمایت یافتہ آزاد امیدور گستاسب خان نے 105249 ووٹ لیے جب کہ نواز شریف نے 80382 ووٹ لیے

دوسری جانب الیکشن کمیشن نے این اے 15 مانسہرہ سے نواز شریف کی عذرداری بحال کردی۔

این اے 15 مانسہرہ پر الیکشن کمیشن نے نوازشریف کی عذرداری کی بحالی کی درخواست پر سماعت کی۔ نوازشریف کے وکیل جہانگیرجدون الیکشن کمیشن پیش ہوئے اورکہا کہ میری تاخیرسے آمد پرعذرداری مسترد کی گئی، این اے15 میں ووٹوں کی دوبارہ گنتی نہیں ہوئی، کئی پولنگ اسٹیشنز پر ووٹوں کی گنتی کے بغیر فارم47 جاری کیا گیا۔ 

ممبرنے کہا کہ ریٹرننگ افسرنے این اے 15 کے رپورٹ جمع کروائی ہے، رپورٹ کے مطابق تمام پولنگ اسٹیشنز کے فارم 45 کی بنیاد پر فارم 47 جاری کیا گیا۔

جہانگیرجدون نے کہا کہ الیکشن کمیشن ہمیں موقع دے ثابت کریں گے کئی پولنگ اسٹیشنز کے ووٹ نہیں گنے گئے، ہمارے پاس تمام پولنگ اسٹیشنزکے اصلی فارم 45 موجود ہیں۔

الیکشن کمیشن نے این اے 15 مانسہرہ سے نوازشریف کی درخواست منظورکرلی۔ این اے 15 مانسہرہ پر نوازشریف کی عذرداری کی سماعت 20 فروری کو ہوگی۔