25 فروری ، 2024 
دنیا
فوٹو: فائل
ہیری نے ملکہ برطانیہ کو دھوکہ دیا،صدر بنا تو ان سے خصوصی برتاؤ نہیں ہوگا: ٹرمپ
25 فروری ، 2024
امریکا کے سابق صدر ڈونلڈ ٹرمپ کا کہنا ہےکہ اگر صدر بنا تو برطانوی شہزادہ ہیری کے ساتھ خصوصی برتاؤ نہیں رکھا جائےگا۔
امریکی میڈیا سےگفتگو میں ٹرمپ کا کہنا تھا کہ بائیڈن انتظامیہ نے برطانوی جوڑے پر بہت زیادہ مہربانی کی ہوئی ہے۔
ڈونلڈ ٹرمپ کا کہنا تھا کہ برطانوی شہزادہ ہیری نے ملکہ برطانیہ الزبتھ دوم کو دھوکہ دیا، اس بات کی شہزادہ ہیری کو معافی نہیں مل سکتی۔
ان کا کہنا تھا کہ اگر میں صدر منتخب ہوا تو شہزادہ ہیری کی کوئی مدد نہیں کروں گا، فیصلہ کرنا میرے اختیار میں ہوا تو ہیری اپنے ذمہ دار خود ہوں گے۔
خیال رہے کہ برطانوی شہزادہ ہیری اور ان کی اہلیہ میگھن مارکل 2020 میں برطانیہ سے امریکا منتقل ہو ئے تھے۔
