محکمہ موسمیات نے کراچی میں تیز بارش کی پیشگوئی کردی

کراچی: محکمہ موسمیات نے سندھ بھر میں جمعرات اور جمعہ کو تیز ہوائیں چلنے اور گرج چمک کے ساتھ بارش کی پیشگوئی کی ہے۔

محکمہ موسمیات نے کراچی میں یکم مارچ کو بادل برسنے کی پیشگوئی کی ہے۔

محکمہ موسمیات کا بتانا ہےکہ کل سے 2 مارچ کے دوران ملک کے بیشتر علاقوں میں موسلادھار بارش متوقع ہے، بیشتر حصوں میں شدید برفباری اور چند مقامات پر ژالہ باری  بھی ہوسکتی ہے۔

محکمہ موسمیات کے مطابق طاقتور مغربی ہواؤں کا سلسلہ کل سے ملک کے مغربی علاقوں میں داخل ہوگا، یہ سلسلہ جمعہ کو ملک کے بیشتر علاقوں کو اپنی لپیٹ میں لے گا اور ہفتے کے روز تک موجود رہےگا۔

دوسری جانب بلوچستان،اسلام آباد، پنجاب،خیبر پختونخوا،گلگت بلتستان اور کشمیر میں بارش اور برف باری کا امکان ہے۔

دو گھنٹوں کے وقفے کے بعد گوادر میں دوبارہ بارش شروع ہوگئی

16 گھنٹوں سے زائد تک مسلسل بارش میں دو گھنٹوں کے وقفے کے بعد گوادر میں دوبارہ بارش شروع ہوگئی جس کے باعث شہری اپنی مدد آپ کے تحت نقل مکانی پر مجبور ہوگئے

16گھنٹے سے زائد مسلسل بارش سےگوادر ڈوب گیا، شہری نقل مکانی پر مجبور

پانی گھروں اور دکانوں میں داخل ہوگیا ہے، بجلی کا نظام بھی متاثر ہوا ہے، شہریوں کو شدید مشکلات کا سامنا ہے