این اے 15 مانسہرہ: انتخابی عذرداری کیس میں نواز شریف کی درخواست خارج

اسلام آباد: الیکشن کمیشن نے این اے 15 مانسہرہ سے انتخابی عذرداری کیس میں نواز شریف کی درخواست خارج کردی۔

الیکشن کمیشن نے این اے 15 مانسہرہ پر ری الیکشن سے متعلق سابق وزیراعظم نواز شریف کی درخواست پر گزشتہ روز فیصلہ محفوظ کیا تھا جو بدھ کے روز سنایا۔

الیکشن کمیشن نے انتخابی عذرداری کیس میں (ن) لیگ کے قائد نواز شریف کی درخواست خارج کردی اور انہیں الیکشن ٹربیونل سے رجوع کرنے کی ہدایت کی ہے۔

الیکشن کمیشن نے ریٹرننگ افسر کو تین دن میں حلقے کا حتمی نتیجہ مرتب کرنے کا حکم دیا ہے۔

واضح رہےکہ عام انتخابات میں این اے 15 مانسہرہ سے نواز شریف کو پی ٹی آئی کے حمایت یافتہ آزاد امیدوار نے شکست دی تھی۔

پی ٹی آئی کے حمایت یافتہ آزاد امیدوار گستاسب خان نے 105249  اور نواز شریف نے 80382 ووٹ لیے تھے۔

این اے 15 مانسہرہ: نواز شریف کی حلقے میں ری الیکشن کی درخواست پر فیصلہ محفوظ

بیلٹ باکس کی ٹیمپرنگ ہوئی، فارم 45 کی ٹیمپرنگ کی گئی، این اے 15 کا الیکشن نہ آئین اور نہ الیکشن رولز کے مطابق ہے: وکیل جہانگیر جدون کے دلائل

این اے 15 مانسہرہ: آزاد امیدوار نے (ن) لیگ کے قائد نواز شریف کو شکست دیدی

پی ٹی آئی کے حمایت یافتہ آزاد امیدور گستاسب خان نے 105249 ووٹ لیے جب کہ نواز شریف نے 80382 ووٹ لیے