پشاور: ناصر باغ دھماکے کا اہم ملزم گرفتار، زخمی دہشتگرد کو بھی ہوش آگیا

پشاور: ناصر باغ روڈ پر ہونے والے دھماکے میں ملوث ایک اہم ملزم کو گرفتار کرلیا گیا جب کہ زخمی دہشتگرد کو بھی ہوش آگیا۔

محکمہ انسداد دہشتگردی (سی ٹی ڈی) کے مطابق بورڈ بازار ناصرباغ روڈ پر گزشتہ روز ہونے والے دھماکے کی تحقیقات جاری ہیں جب کہ دھماکے میں زخمی ہونے والے دہشتگرد کو ہوش آگیا ہے جس کا بیان آج قلمبند کیا جائے گا۔

سی ٹی ڈی کا بتانا ہےکہ دھماکے کے اہم ملزم کو بھی گرفتار کرلیا ہے جب کہ دھماکے کی جگہ سے ملنے والے شواہد کی بنیاد پرمختلف علاقوں میں چھاپےمارےگئے جس دوران 3 مشتبہ افراد کو حراست میں لیا گیا ہے۔

سی ٹی ڈی حکام نے بتایا کہ دھماکےکی جگہ موٹرسائیکل مکمل طور پر تباہ ہوچکی ہے  جس کے باعث موٹرسائیکل اور موبائل فون سے تفتیشی ٹیم کو تحقیقات میں مدد نہ مل سکی۔

واضح ر ہےکہ گزشتہ روز ہونے والے دھماکے میں 2 دہشتگرد ہلاک اور ایک زخمی ہوا تھا،  دھماکا دہشتگردوں کی جانب سے بارودی مواد منتقل کرتے وقت ہوا تھا۔

پشاور دھماکے میں ہلاک اور زخمی دہشتگردوں کی شناخت ہو گئی

موٹر سائیکل دھماکے میں ہلاک دہشتگرد 5 کلو گرام بارودی مواد لیکر اپنے ہدف کی جانب بڑھ رہے تھے: سی ٹی ڈی

پشاور: بورڈ بازار میں بارودی مواد کی منتقلی کے دوران دھماکا، 2 دہشتگرد ہلاک

بم ڈسپوزل یونٹ رپورٹ کےمطابق دھماکا خودکش نہیں تھا،بارودی مواد کی منتقلی کے دوران دھماکا ہوا: ایس ایس پی آپریشنز کاشف آفتاب