15 مارچ ، 2024 
پاکستان
صاحبزادہ حامد رضا نے کہا کہ فضول کی میڈیا پبلسٹی کے لیے بانی پی ٹی آئی کا برا نہیں سوچ سکتا—فوٹو: فائل
پی ٹی آئی کے دوست معاملات گھر میں ہی حل کریں تو بہتر ہے، صاحبزادہ حامد رضا
15 مارچ ، 2024
چیئرمین سنی اتحاد کونسل صاحبزادہ حامد رضا نے کہا ہے کہ پاکستان تحریک انصاف کے دوست معاملات گھر میں ہی حل کریں تو بہتر ہے۔
اپنے بیان میں صاحبزادہ حامد رضا کا کہنا تھا کہ سنی اتحاد کونسل کا فیصلہ بانی پی ٹی آئی نے کیا تھا، میری طرف سے کوئی درخواست نہیں کی گئی تھی۔
انہوں نے کہا کہ انتخابی نشان سے لے کر مخصوص نشستوں تک میرے پاس بتانے کو بہت کچھ ہے، ٹاک شوز میں کچھ بول دیا تو کئی لوگ شکل دکھانے کے قابل نہیں رہیں گے۔
صاحبزادہ حامد رضا نے کہا کہ میری کمٹمنٹ بانی پی ٹی آئی کے ساتھ ہے اور ہمیشہ رہے گی۔ فضول کی میڈیا پبلسٹی کے لیے بانی پی ٹی آئی کا برا نہیں سوچ سکتا۔
ان کا کہنا تھاکہ ہدایات لے کر پھوٹ مت ڈلوائیں۔
