ورزش کے تمام تر فوائد جسم کو پہنچانے والی دوا کی تیاری میں پیشرفت

جسمانی صحت کے لیے ورزش کو بہت اہم قرار دیا جاتا ہے تاہم ہر فرد کے لیے اس کے وقت نکالنا آسان نہیں ہوتا۔

مگر سائنسدانوں نے ایک ایسی دوا کی تیاری میں پیشرفت کی ہے جو لوگوں کے لیے ورزش کی ضرورت ہی ختم کر دے گی۔

جی ہاں واقعی ایسے کیمیائی مرکبات دریافت کیے گئے ہیں جن سے صحت کو ورزش جیسے فوائد ہو سکتے ہیں۔

ان کیمیائی مرکبات پر مبنی دوا کے استعمال سے میٹابولزم اور مسلز کے خلیات پر وہی اثرات مرتب ہوں گے جو ورزش کرنے سے ہوتے ہیں۔

فالج جیسے مرض سے بچنا چاہتے ہیں؟ تو یہ عادت آج ہی اپنا لیں

فالج کا خطرہ ہر عمر کے افراد میں ہوتا ہے مگر 55 سال کی عمر کے بعد یہ خطرہ زیادہ بڑھ جاتا ہے.

امریکا کی واشنگٹن یونیورسٹی کے ماہرین نے بتایا کہ اس دوا سے ان افراد کو فائدہ ہوگا جو مختلف امراض کے باعث ورزش نہیں کرپاتے جس سے مسلز کمزور ہو جاتے ہیں۔

ان کا کہنا تھا کہ ہم سب جانتے ہیں کہ ورزش جسم اور صحت کے لیے بہت زیادہ مفید ہوتی ہے مگر ہر فرد ورزش نہیں کرپاتا۔

انہوں نے مزید کہا کہ ایسے افراد کے لیے ایسی دوا مفید ہوگی جس کے استعمال سے ورزش جیسا فائدہ ہو۔

واضح رہے کہ ورزش سے مسلز میں مخصوص پروٹینز متحرک ہونے سے میٹابولک تبدیلیاں آتی ہیں اور محققین نے ان تبدیلیوں کو دیکھ کر ہی مرکبات تیار کیے ہیں۔

عمر میں اضافے کے ساتھ دماغ کو جوان رکھنا چاہتے ہیں؟

غذا عمر میں اضافے سے جسم پر مرتب ہونے والے اثرات کے حوالے سے اہم کردار ادا کرتی ہے۔

محققین نے ان مرکبات کو گولی کی شکل دیکر اس دوا کا نام SLU-PP-332 رکھا جو تمام پروٹینز کو متحرک کرنے کی صلاحیت رکھتی ہے۔

اس دوا کے تجربات ابھی چوہوں پر کیے گئے ہیں اور نتائج سے معلوم ہوا کہ دوا کے استعمال سے جانوروں کے مسلز کے افعال بہتر ہوگئے۔

مزید تحقیق سے سائنسدانوں نے ایسے نئے مرکبات بھی تیار کیے جو SLU-PP-332 سے بھی زیادہ کام کرتے ہیں جبکہ نقصان بھی کم ہوتا ہے۔

مگر ابھی ان مرکبات کی آزمائش نہیں کی گئی ہے۔

مردوں کے مقابلے میں خواتین کو زیادہ نیند کی ضرورت کیوں؟ تحقیق پڑھیں

کئی مطالعات سے تصدیق ہوتی ہے کہ خواتین کو مردوں کے مقابلے عام طور پر زیادہ نیند کی ضرورت ہوتی ہے: ماہر نسواں

محققین کے مطابق SLU-PP-332 اور دیگر مرکبات کو گردوں کے امراض، ہارٹ فیلیئر، موٹاپے یا دیگر بیماریوں سے لڑنے کے لیے بھی ممکنہ طور پر استعمال کیا جا سکتا ہے۔

مگر ان کا کہنا تھا کہ ہم یہ نہیں کہتے کہ لوگ ورزش کرنا چھوڑ کر ادویات کھانا شروع کردیں اور خود سارا دن ایک جگہ بیٹھیں رہیں۔

اس تحقیق کے نتائج امریکن کیمیکل سوسائٹی کے سالانہ اجلاس کے موقع پر پیش کیے گئے۔