22 مارچ ، 2024 
پاکستان
سعودی وزیردفاع کو پریڈ میں شرکت کی دعوت آرمی چیف جنرل عاصم منیر نے دی تھی: ذرائع— فوٹو:فائل
سعودی وزیردفاع شہزادہ خالد بن سلمان یوم پاکستان پریڈ کے مہمان خصوصی ہوں گے
22 مارچ ، 2024
سعودی عرب کے وزیردفاع شہزادہ خالد بن سلمان بن عبد العزیز آل سعود یوم پاکستان پریڈ کے مہمان خصوصی ہوں گے۔
ذرائع کے مطابق سعودی وزیردفاع کو پریڈ میں شرکت کی دعوت آرمی چیف جنرل عاصم منیر نے دی تھی اور انہوں نے سعودی وزیردفاع کو دعوت حالیہ دورہ سعودی عرب کے دوران دی۔
ذرائع نے بتایاکہ یوم پاکستان پریڈ میں خلیج تعاون کونسل کے سرمایہ کاری اداروں کے سربراہان بھی شرکت کریں گے۔
ذرائع کے مطابق بحرین کی دفاعی افواج کے کمانڈر بھی یوم پاکستان پریڈ کی تقریب میں میں شریک ہوں گے۔
خیال رہے کہ یوم پاکستان پریڈ کل صبح وفاقی دارالحکومت اسلام آباد میں ہوگی۔
