19 اپریل ، 2025 
کے ایل راہول اور اتھیا شیٹی نے پہلی بار بیٹی کی تصویر مداحوں کیساتھ شیئر کر دی
19 اپریل ، 2025
بھارتی کرکٹر کے ایل راہول اور بالی اداکارہ اتھیا شیٹی نے پہلی بار اپنی نومولود بیٹی کی تصویر سوشل میڈیا پر شیئر کر دی اور ساتھ ہی بچی کا نام بھی بتا دیا۔
بیٹی کی پیدائش کے تقریباً ایک ماہ بعد جمعہ کو کے ایل راہول اور اتھیا شیٹی نے اپنی نومولود بیٹی 'ایواراہ' کی پہلی تصویر انسٹاگرام پر مداحوں کے ساتھ شیئر کی۔
تصویر میں کے ایل راہول اور اتھیا بچی کو تھامے ہوئے ہیں ، اگرچہ جوڑے نے بچی کا چہرہ ظاہر نہیں کیا، مگر تصویر کے ساتھ ایک محبت بھرا کیپشن لکھا۔
کے ایل راہول اور اتھیا نے لکھا کہ ہماری بیٹی ' ایواراہ' ، ہمارا سب کچھ ،جس کا مطلب ہے خدا کا تحفہ ۔
فوراً ہی اس پوسٹ پر شوبز ستاروں کی جانب سے مبارکباد اور نیک تمناؤں کا اظہار کیا گیا۔
یاد رہے کہ اتھیا اور راہول نے جنوری 2023 میں شادی کی تھی اور جوڑے کے ہاں رواں سال 24 مارچ کو بیٹی کی پیدائش ہوئی تھی۔
اتھیا شیٹی بالی وڈ کے معروف اداکار سنیل شیٹی کی بیٹی ہیں۔
مزید خبریں :
فلم ’ جاٹ ‘ کی ریلیز کے ساتھ ہی سنی دیول مشکل میں پھنس گئے
18 اپریل ، 2025
فواد خان نے فلم ’عبیر گلال‘ کیلئے کتنے کروڑ معاوضہ لیا؟
17 اپریل ، 2025
