24 مارچ ، 2024 
پاکستان
طورخم سرحد پر ایف سی اور ایف آئی اےکے اہلکار آپس میں لڑ پڑے
24 مارچ ، 2024
طورخم سرحد پر ایف سی اور ایف آئی اے کے اہلکار وں کے درمیان تلخ کلامی کے بعد لڑائی ہوگئی۔
ایف سی اور ایف آئی اے کے اہلکار وں کی آپس کی لڑائی میں کچھ اہلکار زخمی بھی ہوئے۔
سرکاری ذرائع کا کہنا ہےکہ دونوں اداروں کے درمیان تلخ کلامی رش کم کرنےکے معاملے پر ہوئی تھی۔
دونوں اداروں کے حکام نے واقعےکا نوٹس لیتے ہوئے فوری طور پر معاملہ حل کر دیا ہے اور طورخم سرحدی گزرگاہ 4 گھنٹے بعد پیدل آمدورفت کے لیےکھول دی گئی ہے۔
