24 مارچ ، 2024 
جاگنگ کرنے کی عادت سے مرتب ہونے والے عجیب اثر کا انکشاف
24 مارچ ، 2024
جاگنگ کو صحت کے لیے بہترین تصور کیا جاتا ہے اور یقیناً ایسا ہی ہے۔
مگر اب ایک تحقیق میں جاگنگ کے ایک عجیب اثر کا انکشاف کیا گیا ہے جو دنگ کر دینے والا ہے۔
یقین کرنا مشکل ہوگا مگر اس تحقیق میں بتایا گیا کہ جاگنگ کرنے سے لوگوں کے اندر غصہ بڑھتا ہے اور ان کا رویہ زیادہ جارحانہ ہو جاتا ہے۔
اوہائیو اسٹیٹ یونیورسٹی کی تحقیق میں بتایا گیا کہ جاگنگ ایک ایسا عمل ہے جس میں ایک ہی کام بار بار کیا جاتا ہے اور یہ چیز لوگوں کے اندر بیزاری بڑھاتی ہے۔
اس تحقیق میں 10 ہزار سے زائد افراد کے ڈیٹا کی جانچ پڑتال کی گئی تھی۔
تحقیق کے نتائج نے محققین کو بھی حیران کر دیا۔
انہوں نے کہا کہ ہمارا خیال تھا کہ جاگنگ کی بجائے باکسنگ جیسی سرگرمیوں سے لوگوں میں غصہ بڑھتا ہوگا۔
انہوں نے مزید کہا کہ بظاہر تو ایسا محسوس ہوتا ہے کہ دوڑنے سے غصہ اور جارحیت میں کمی آتی ہے مگر ایسا ہوتا نہیں۔
ان کا کہنا تھا کہ دوڑنا ہمارے دل کی صحت کے لیے اچھا ہوتا ہے مگر یہ غصہ پر کنٹرول کے لیے اچھی سرگرمی نہیں۔
محققین کے مطابق ممکنہ طور پر بار بار ایک جیسی سرگرمی بیزاری کی جانب لے جاتی ہے جس کے باعث غصہ پیدا ہوتا ہوگا۔
اس کے مقابلے میں یوگا یا ایرو بک ورزشیں غصے کو کنٹرول کرنے کے لیے زیادہ مؤثر ہوتی ہیں۔
تحقیق میں یہ بھی دریافت کیا گیا کہ سیڑھیاں چڑھنے کی سرگرمی سے بھی لوگوں کے اندر غصہ بڑھتا ہے۔
محققین کے مطابق نتائج سے عندیہ ملتا ہے کہ اگرچہ جسمانی سرگرمیاں صحت کے لیے مفید ہوتی ہیں مگر ان سے غصے کو کنٹرول کرنا ممکن نہیں ہوتا۔
مزید خبریں :
توند کی چربی گھلانے کے لیے ہر ہفتے کتنی ورزش کرنی چاہیے؟
20 دسمبر ، 2024
آپ کی وہ عام عادت جو گردوں کے تکلیف دہ امراض کا شکار بنادیتی ہے
20 دسمبر ، 2024
ڈپریشن جیسے عام مرض سے بچنے کا آسان ترین طریقہ
17 دسمبر ، 2024
بلوچستان میں انسداد پولیو مہم ایک بار پھر مؤخر کردی گئی
17 دسمبر ، 2024
ہائی بلڈ پریشر کا خطرہ ظاہر کرنے والی علامات اور نشانیاں
15 دسمبر ، 2024
