پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعویٰ کردیا

پشاور بی آر ٹی کا کنٹریکٹر عالمی ثالثی عدالت پہنچ گیا اور حکومت کے خلاف 57 ارب روپے کا دعویٰ کردیا۔ 

پراجیکٹ کے جے وی کنٹریکٹرز نے معاہدے کی دفعات کے تحت 57 ارب روپے کی بقایا رقم کی ادائیگی کیلئے بین الاقوامی ثالثی عدالت سے رجوع کیا۔ 

کنٹریکٹر نے کہا ہے کہ پراجیکٹ کا دائرہ بڑھایا گیا، ڈیزائن میں بار بار تبدیلی کے ساتھ ادائیگیوں میں تاخیر بھی کی گئی۔ 

پشاور بی آر ٹی مالی بحران کا شکار، نجی کمپنی کا سروس بند کرنے کا فیصلہ

بی آر ٹی وہیکل آپریشن اور مینٹیننس سروسز کی مد میں 75کروڑ40 لاکھ روپے کے بقایاجات ہیں: کمپنی کا حکومت کو خط

دوسری جانب پشاور ڈیولپمنٹ اتھارٹی (پی ڈی اے) ذرائع کےمطابق نیب کی انکوائریوں کی وجہ سےدونوں فریقوں کے درمیان تنازعہ خوش اسلوبی سے حل نہیں ہوسکا۔ 

پی ڈی اے ذرائع  کا کہنا ہے کہ رقم کی ادائیگی کی صورت میں بی آر ٹی پشاور کی کل لاگت 120ارب روپے سے تجاوز کر جائے گی۔