یوٹیوب نے شارٹس ویڈیوز سے پیسے کمانے کا نیا ذریعہ فراہم کر دیا

ویڈیو شیئرنگ سائٹ یوٹیوب نے ٹک ٹاک جیسی مختصر ویڈیوز کے ذریعے آمدنی کے حصول کا ایک نیا ذریعہ متعارف کرا دیا ہے۔

جی ہاں اگر آپ یوٹیوب پر ٹک ٹاک جیسی مختصر ویڈیوز پوسٹ کرنا پسند کرتے ہیں تو کمپنی کی جانب سے کمانے کا نیا موقع فراہم کیا جا رہا ہے۔

یوٹیوب کی جانب سے کریٹیرز کو اپنی ویڈیوز فیس ادا کرنے والے سبسکرائبرز تک محدود رکھنے کا آپشن فراہم کیا جا رہا ہے۔

اس نئے فیچر سے فیس ادا کرنے والے سبسکرائبرز کو اضافی مواد تک رسائی مل سکے گی۔

یوٹیوب سے کمانے کے لیے کم از کم کتنے سبسکرائبرز کی ضرورت ہوتی ہے؟

یوٹیوب ویڈیوز سے کمانے کے لیے کسی اکاؤنٹ کے سبسکرائبرز کی تعداد کتنی ہونی چاہیے؟

کمپنی کے مطابق کریٹیرز اس نئے آپشن کو اپنے سبسکرائبرز کے ساتھ خصوصی مواد شیئر کرنے کے لیے استعمال کر سکیں گے۔

اس فیچر کے تحت کریٹیرز اپنی شارٹس ویڈیوز اپ لوڈ کرنے کے بعد نئے ممبرز اونلی آپشن کے ذریعے انہیں سبسکرائبرز تک محدود رکھ سکیں گے۔

اسی طرح پہلے سے پوسٹ شارٹ ویڈیو کو بھی سبسکرائبرز تک محدود کرنا ممکن ہوگا۔

یوٹیوب کا یہ نیا فیچر ٹک ٹاک کے سیریز نامی فیچر سے ملتا جلتا محسوس ہوتا ہے۔

ٹک ٹاک نے مارچ 2023 میں سیریز فیچر متعارف کرایا تھا۔

فیس بک پر آمدنی کے حصول کیلئے کم از کم کتنے فالوورز ضروری ہیں؟

متعدد افراد فیس بک کے ذریعے اضافی آمدنی حاصل کرتے ہیں۔

سیریز کے لیے اہل اہل قرار پانے والے صارفین اپنی ویڈیوز کو ایک البم میں رکھ کر ان تک رسائی پیسوں کے عوض فراہم کر سکتے ہیں۔

اس ویڈیو البم کو سیریز البم کہا جاتا ہے۔

صارفین ہی طے کرتے ہیں کہ ان کی کسی سیریز البم کو دیکھنے کی فیس کتنی ہوگی جو ایک سے 190 ڈالرز کے درمیان رکھی جا سکتی ہے۔

اس آمدنی میں سے صارفین کو ٹک ٹاک کوئی حصہ نہیں دینا ہوتا، البتہ سیریز کا حصہ بننے کے لیے انہیں فیس دینا ہوتی ہے۔

یوٹیوب کی جانب سے نئے فیچر کا اعلان کرتے ہوئے بتایا گیا کہ اس کی شارٹس ویڈیوز کو اوسطاً روزانہ 70 ارب بار دیکھا جاتا ہے جبکہ یوٹیوب کے پارٹنر پروگرام کے 25 فیصد چینلز شارٹس کے ذریعے پیسے کما رہے ہیں۔