نارووال: پولیس وردی پہنے ڈاکوؤں کا گھر میں گھس کر اہلخانہ پر تشدد، لاکھوں روپے لوٹ لیے

نارووال میں عیسیٰ چوک میں پولیس وردی پہنے ملزمان نے ایک گھر میں داخل ہو کر اہلخانہ کو تشدد کا نشانہ بنایا اور لاکھوں روپے لوٹ کر فرار ہو گئے۔

پولیس کے مطابق 6 ڈاکو گھر میں داخل ہوئے اور اہلخانہ کو اسلحے کے زور پر یرغمال بنا کر  تشدد کا نشانہ بنانے کے بعد 7 لاکھ25 ہزار روپے لوٹ کر فرار ہو گئے۔

پولیس کا کہنا ہے کہ ڈکیتی کا مقدمہ درج کر لیا گیا ہے اور ملزمان کی گرفتاری کے لیے چھاپے مارے جارہے ہیں۔

اہلخانہ کے مطابق ملزمان پولیس یونیفارم میں ملبوس تھے جبکہ پولیس کا کہنا ہے کہ ایک ماہ کے دوران پولیس وردی میں ڈکیتی کا یہ دوسرا واقعہ ہے، جیو فینسنگ کرکے جلد ملزمان تک پہنچیں گے۔

کراچی میں ڈکیت بے لگام، راشد منہاس روڈ پر درجنوں شہریوں کے سامنے پیٹرول پمپ لوٹ لیا

گزشتہ رات کورنگی، ڈاکس، مچھر کالونی اور رضویہ سوسائٹی میں پولیس کے ڈاکوؤں سے مقابلے ہوئے جس میں 6 ڈاکوؤں کو زخمی حالت میں گرفتار کر لیا گیا

سیالکوٹ: ایک کروڑ 15 لاکھ روپے چوری کرنے والا ملزم پکڑا گیا

ملزم سے چالیس تولے سونا، ملکی اور غیرملکی کرنسی برآمد ہوئی ہوئی ہے