01 اپریل ، 2024
نارووال میں عیسیٰ چوک میں پولیس وردی پہنے ملزمان نے ایک گھر میں داخل ہو کر اہلخانہ کو تشدد کا نشانہ بنایا اور لاکھوں روپے لوٹ کر فرار ہو گئے۔
پولیس کے مطابق 6 ڈاکو گھر میں داخل ہوئے اور اہلخانہ کو اسلحے کے زور پر یرغمال بنا کر تشدد کا نشانہ بنانے کے بعد 7 لاکھ25 ہزار روپے لوٹ کر فرار ہو گئے۔
پولیس کا کہنا ہے کہ ڈکیتی کا مقدمہ درج کر لیا گیا ہے اور ملزمان کی گرفتاری کے لیے چھاپے مارے جارہے ہیں۔
اہلخانہ کے مطابق ملزمان پولیس یونیفارم میں ملبوس تھے جبکہ پولیس کا کہنا ہے کہ ایک ماہ کے دوران پولیس وردی میں ڈکیتی کا یہ دوسرا واقعہ ہے، جیو فینسنگ کرکے جلد ملزمان تک پہنچیں گے۔