ایکس پر پابندی ہم نے نہیں لگائی، پابندی اصولی طور پر نہیں ہونی چاہیے: وزیر اطلاعات

وفاقی وزیر اطلاعات عطا تارڑ  نےکہا ہےکہ سوشل میڈیا پلیٹ فارم ایکس پر  پابندی ہم نے نہیں لگائی اسے برقرار ضرور  رکھا، پابندی اصولی طور  پر نہیں ہونی چاہیے۔

جیو نیوز کے پروگرام آج شاہ زیب خانزادہ کے ساتھ میں بات چیت کرتے ہوئے وزیر اطلاعات عطا تارڑ کا کہنا تھا کہ پارلیمنٹ میں حکومت اور  اپوزیشن کی مشترکہ کمیٹی بنائی جائے جو کوڈ آف کنڈکٹ طےکرے اور سوشل میڈیا پر قوانین کی خلاف ورزی کرنے والےکو سخت سزا دی جائے۔

 وزیر اطلاعات عطا تارڑ کا کہنا تھا کہ عدالتوں میں اسکینر ہونے کے باوجود خطوط اسکین کیوں نہیں کیےگئے؟ اسلام آباد پولیس، سی ٹی ڈی اور وزارت داخلہ ججوں کو ملنے والے مشکوک خطوط کی تحقیقات کررہی ہیں، خطوط سے جو مواد ملا ہے اس کا فارنزک کرایا جائےگا۔ 

ان کا کہنا تھا کہ 6 ججوں کے خط کا معاملہ اب چیف جسٹس کی صوابدید ہے، اگر وفاقی حکومت کوکوئی کردار ادا کرنےکو کہا جائےگا تو ضرور ادا کریں گے، اب 29 اپریل تک انتظار کرنا ہی بہتر ہوگا۔

سکیورٹی ایجنسیز کی رپورٹ پر ایکس بند کیا گیا ہے: جوائنٹ سیکرٹری داخلہ کا جواب، عدالت برہم

کوئی لکھت پڑھت بھی توبتائیں، یہی کہا تھا کہ تفصیلات لے کرآئیں، یہ کونسا طریقہ ہے؟ یہ کیا رویہ ہے؟ جسٹس عامر فاروق

اسلام آباد ہائیکورٹ: ایکس بندش کیخلاف درخواست پر پی ٹی اے اور وزارت اطلاعات کو نوٹس جاری

چیف جسٹس اسلام آباد ہائیکورٹ جسٹس عامرفاروق نے ایکس کی بندش کے خلاف درخواست پرسماعت کی