19 اپریل ، 2024 
واٹس ایپ میں ایک حیرت انگیز فیچر متعارف، استعمال کا طریقہ بھی جانیں
19 اپریل ، 2024
میٹا نے واٹس ایپ میں ایک حیرت انگیز فیچر کا اضافہ کیا ہے۔
اس نئے فیچر کے تحت واٹس ایپ میں آرٹی فیشل انٹیلی جنس (اے آئی) ٹیکنالوجی پر مبنی رئیل ٹائم امیج جنریشن صارفین کو استعمال کرنے کا موقع ملے گا۔
کمپنی کی جانب سے اعلان کیا گیا کہ رئیل ٹائم امیج جنریشن فیچر بیٹا (beta) ورژن میں صارفین کے لیے متعارف کرایا جا رہا ہے۔
یہ فیچر اس لیے حیرت انگیز ہے کیونکہ جب آپ امیج جنریٹر میں تحریری ہدایات ٹائپ کر رہے ہوں گے تو اس کو سینڈ کرنے سے قبل ہی رئیل ٹائم میں تصویر میں تبدیلیاں ہونا شروع ہو جائیں گی۔
فیچر کیسے استعمال کریں؟
اگر آپ بیٹا ورژن استعمال کرتے ہیں تو آپ اس فیچر کو خود آزما سکتے ہیں۔
اس کے لیے میٹا اے آئی چیٹ کو اوپن کرکے Imagine لکھ کر اپنے ذہن میں موجود تصویر کے لیے ہدایات دیں۔
میٹا کی جانب سے بتایا گیا کہ یہ فیچر کمپنی کے نئے لاما ماڈل 3 پر مبنی ہے جو زیادہ معیاری تصاویر تیار کرتا ہے اور ٹیکسٹ کو بھی زیادہ بہتر دکھاتا ہے۔
آپ میٹا اے آئی سے کسی تصویر کو اینیمیٹ بھی کروا سکتے ہیں، یعنی کسی بھی تصویر کو GIF میں تبدیل کرکے دوستوں سے شیئر کرنا ممکن ہوگا۔
کمپنی کی جانب سے امریکا میں میٹا اے آئی کو ویب ورژن میں بھی متعارف کرایا گیا ہے۔
خیال رہے کہ گزشتہ دنوں ہی واٹس ایپ اے آئی چیٹ بوٹ میٹا اے آئی کو متعارف کرایا گیا تھا جو ابھی محدود صارفین کو دستیاب ہے مگر بتدریج اسے زیادہ افراد تک توسیع دی جا رہی ہے۔
مزید خبریں :
یوٹیوب میں ایک نئے گیم چینجر فیچر کا اضافہ
4 گھنٹے پہلے
سائنسدانوں کی ایسی منفرد ایجاد جو اے سی کی ضرورت ختم کردے گی
26 دسمبر ، 2024
فیس بک نے صارفین کو کمانے کا نیا موقع فراہم کردیا
26 دسمبر ، 2024
