20 اپریل ، 2024
خیبر پختونخوا کے ضلع مالاکنڈ میں بارش نے ایک ہنستے بستے خاندان کو اجاڑ کر رکھ دیا۔
مالاکنڈ کے علاقے شریف آباد میں بارش کے باعث مکان کی چھت گر گئی، حادثے میں باپ بیٹا جاں بحق جبکہ ماں شدید زخمی ہوگئی۔
بتایا جارہا ہے کہ لاشوں اور زخمی خاتون کو طبی امداد کیلئے اسپتال منتقل کردیا گیا ہے۔
ادھر مالاکنڈ اور گردونواح میں بارش کے باعث ندی نالوں میں طغیانی کا بھی خطرہ سر اٹھا رہا ہے۔
محکمہ موسمیات کے مطابق آج بالائی خیبر پختونخوا، گلگت بلتستان، کشمیر اور خطہ پوٹھوہار میں تیز ہوائیں چلنے اور بارش کا امکان ہے جبکہ دریائے کابل سے ملحقہ علاقوں میں طغیانی کا خطرہ ہے۔