22 اپریل ، 2024 
لاہور بورڈ نےکل ہونے والے انٹرکے پرچے ملتوی کردیے
22 اپریل ، 2024
لاہور بورڈ نے کل 23 اپریل کو ہونے والے انٹر کے پرچے ملتوی کردیے۔
لاہور بورڈ کی جانب سے 23 اپریل بروز منگل کو ہونے والے پرچے ملتوی کرنےکا نوٹیفکیشن جاری کردیا گیا ہے۔
نوٹیفکیشن کے مطابق انٹر کے ملتوی ہونے والے پرچے 24 مئی کو لیے جائیں گے۔
لاہور بورڈ کے تحت کل ہونے والا میٹرک کا فزکس کا پریکٹیکل بھی ملتوی کردیا گیا۔
نوٹیفکیشن کے مطابق میٹرک کا فزکس کا پریکٹیکل 15 مئی کو لیا جائےگا۔
خیال رہے کہ ایرانی صدر کی آمد پر کراچی کے بعد لاہور میں بھی کل (بروز منگل) مقامی تعطیل کا اعلان کیا گیا ہے۔
پنجاب حکومت کی جانب سے جاری نوٹیفکیشن کے مطابق 23 اپریل کو چھٹی کا اطلاق صرف ڈسٹرکٹ لاہور پر ہوگا۔
نوٹیفکیشن کے مطابق پنجاب سول سیکرٹریٹ سے منسلک محکموں میں تعطیل نہیں ہوگی۔
