پم پلکیں کیوں جھپکتے ہیں؟ سائنسدانوں کا اہم انکشاف

پلک جھپکنے سے صرف آنکھوں کی نمی برقرار رکھنے میں ہی مدد نہیں ملتی بلکہ یہ عمل ہمارے لیے ایک اور وجہ سے بھی بہت اہم ہوتا ہے۔

جی ہاں واقعی سائنسدانوں نے پلکیں جھپکنے کی اہم وجہ دریافت کرلی ہے۔

امریکا کی روچسٹر یونیورسٹی کے ماہرین نے ایک تحقیق میں دریافت کیا کہ پلکیں جھپکنے سے ہمیں آنکھوں سے دکھائی دینے والے مناظر کی تفصیلات کو سمجھنے میں مدد ملتی ہے۔

تحقیق میں دریافت کیا گیا کہ پلکیں جھپکنے سے ہمارے دماغ کو کسی منظر کی مجموعی تفصیلات کو سمجھنے کا موقع ملتا ہے۔

اس تحقیق کے لیے ماہرین نے لوگوں کی آنکھوں کی حرکات کو ٹریک کیا،جبکہ کمپیوٹر ماڈلز اور دیگر ڈیٹا کا تجزیہ بھی کیا۔

کیا اکثر آنکھ پھڑکنے پر ہمیں پریشان ہونا چاہیے؟

اگر آپ کے ساتھ ایسا ہوتا ہے تو کیا یہ کسی بیماری کے خطرے کی نشانی تو نہیں؟

اس سے انہیں ہی سمجھنے میں مدد ملی کہ پلکیں جھپکنے سے ہماری آنکھوں کو کیا نظر آتا ہے۔

محققین کی جانب سے یہ جانچ پڑتال بھی کی گئی کہ مختلف مناظر میں انسانی آنکھ کس حد تک حساس ہوتی ہے۔

انہوں نے دریافت کیا کہ جب کوئی فرد پلکیں جھپکتا ہے تو اس کے لیے مناظر میں بتدریج ہونے والی تبدیلی کو محسوس کرنا آسان ہو جاتا ہے۔

آسان الفاظ سے اس عمل سے ہمیں اپنی آنکھوں کے سامنے موجود تفصیلات کو اکٹھا کرنے میں مدد ملتی ہے تاکہ ہمیں معلوم ہو سکے کہ ہم کیا دیکھ رہے ہیں۔

آنکھوں کو مسلنے کی عادت کے اثرات جانتے ہیں؟

کیا آپ کو معلوم ہے کہ یہ عادت بینائی کے لیے تباہ کن ثابت ہو سکتی ہے؟

اس عمل کے دوران پلکوں کی تیز حرکت سے آنکھوں کے اندرونی اعضا مؤثر انداز سے متحرک ہوتے ہیں، جس سے ہمارے دماغ کو ایک مختلف قسم کا بصری سگنل جاتا ہے۔

نتائج سے ان شواہد کو تقویت ملتی ہے کہ پلکیں جھپکنا صرف آنکھوں کی نمی برقرار رکھنے والا سادہ عمل نہیں، بلکہ یہ تفصیلات اکٹھا کرنے کے لیے بھی ضروری عمل ہے۔

محققین کے خیال میں یہ ایک ارتقائی عمل ہے۔

بار بار آنکھیں بند کرنے پر ہمیں مختلف رنگ کیوں نظر آتے ہیں؟

آنکھیں بند ہونے پر تاریکی کی بجائے روشنی اور رنگ نظر آتے ہیں، تو ایسا کیوں ہوتا ہے؟

انہوں نے بتایا کہ بینائی کا نظام اردگرد کی تبدیلیوں کے حوالے سے بہت حساس ہوتا ہے۔

انہوں نے مزید بتایا کہ کسی کیمرے کے برعکس ہماری بینائی تصویر کے لیے صرف عدسے پر انحصار نہیں کرتی بلکہ وہ یہ دیکھتی ہے کہ تصویر کس طرح بدل رہی ہے۔

اس تحقیق کے نتائج جرنل پروسیڈنگز آف دی نیشنل اکیڈمی آف سائنسز میں شائع ہوئے۔