ہارٹ اٹیک اور فالج کا شکار بنانے والی حیرت انگیز وجہ دریافت

ٹریفک کا شور اکثر افراد کو پسند نہیں ہوتا اور بے چینی یا غصہ جیسے احساس کا سامنا ہوتا ہے۔

مگر ٹریفک کا شور امراض قلب بشمول ہارٹ اٹیک کا شکار بھی بنا سکتا ہے۔

یہ انتباہ ایک نئی طبی تحقیق میں سامنے آیا۔

جرنل سرکولولیشن میں شائع تحقیق میں بتایا گیا کہ ٹریفک کے شور اور دل کی شریانوں سے جڑے امراض کے درمیان تعلق موجود ہے۔

قدرتی ماحول میں ورزش سے ذیابیطس سمیت متعدد دائمی امراض سے تحفظ ملتا ہے، تحقیق

غیر متعدی امراض جیسے امراض قلب، فالج، کینسر، ذیابطیس اور پھیپھڑوں کے امراض دنیا میں 74 فیصد اموات کا باعث بنتے ہیں۔

تحقیق کے مطابق ٹریفک کے شور میں ہر 10 ڈیسی بل اضافے سے امراض قلب بشمول ہارٹ اٹیک، فالج اور ذیابیطس کا خطرہ 3.2 فیصد تک بڑھ جاتا ہے۔

تحقیق میں مزید بتایا گیا کہ رات کو ٹریفک کے شور سے خون کی شریانوں میں تناؤ بڑھانے کا باعث بننے والے ہارمونز کی سطح میں اضافہ ہوتا ہے، جس سے جسمانی ورم، ہائی بلڈ پریشر اور امراض قلب کا خطرہ بڑھتا ہے۔

محققین نے بتایا کہ یہ ضروری ہے کہ ٹریفک کے شور کو امراض قلب کا خطرہ بڑھانے والا عنصر قرار دیا جائے۔

انہوں نے مزید کہا کہ اس حوالے سے حکام کو اقدامات کرنے چاہیے۔

پم پلکیں کیوں جھپکتے ہیں؟ سائنسدانوں کا اہم انکشاف

پلکیں جھپکنے سے ہمیں آنکھوں سے دکھائی دینے والے مناظر کی تفصیلات کو سمجھنے میں مدد ملتی ہے۔

ان کا کہنا تھا کہ یہ ضروری ہے کہ ٹریفک کے شور پر قابو پانے کے لیے مختلف اقدامات کیے جائیں جیسے سڑکوں کو بہتر بنایا جائے، فضائی راستوں کا تعین کرتے ہوئے خیال رکھا جائے کہ طیارے پرہجوم علاقوں کے قریب نہ گزریں۔

اس سے قبل مارچ 2023 میں چین کی Peking University کی تحقیق میں بتایا گیا تھا کہ ٹریفک کے شور اور فشار خون میں اضافے کے درمیان تعلق موجود ہے۔

اس تحقیق کے لیے ماہرین نے 40 سے 69 سال کی عمر کے 2 لاکھ 40 ہزار افراد کے ڈیٹا کا جائزہ لیا۔

ان افراد کی صحت کا جائزہ 8 سال سے زائد عرصے تک لیتے ہوئے دیکھا گیا کہ کتنے افراد میں ہائی بلڈ پریشر کی تشخیص ہوئی۔

ہارٹ اٹیک اور فالج سمیت جلد موت کا خطرہ کم کرنیکا آسان ترین طریقہ

مختصر وقت کے لیے جسمانی سرگرمیوں سے لمبی عمر کے حصول اور دل کی صحت کو بہتر بنانے میں مدد ملتی ہے۔

نتائج سے معلوم ہوا کہ جو افراد کسی ایسی جگہ رہتے ہیں جہاں ٹریفک کا شور ہوتا ہے، ان میں ہائی بلڈ پریشر کا خطرہ بڑھ جاتا ہے۔

درحقیقت تحقیق میں دریافت کیا گیا کہ ٹریفک کا شور جتنا زیادہ ہوگا، ہائی بلڈ پریشر کی تشخیص کا خطرہ بھی اتنا زیادہ ہوگا۔

محققین نے بتایا کہ ٹریفک کا شور اور ٹریفک سے متعلق فضائی آلودگی دونوں ہی ہائی بلڈ پریشر سے متاثر ہونے کا خطرہ بڑھانے والے عناصر ہیں۔

انہوں نے کہا کہ ٹریفک کا شور ہمارے خون کے دباؤ کے لیے نقصان دہ ہوتا ہے اور اس کی روک تھام کے لیے کام کرنے کی ضرورت ہے۔