فیصل آباد: موٹر وے ایم تھری پر ڈاکوؤں نے لیویز اہلکاروں سمیت کئی مسافروں کو لوٹ لیا

فیصل آباد کے قریب موٹر  وے  ایم تھری پر  ڈاکوؤں  نے گاڑیاں روک کر  لیویز  اہلکاروں سمیت کئی مسافروں کو لوٹ لیا۔

پولیس کے مطابق کوئلےکا کاروبار کرنے والا سیالکوٹ کا رہائشی تاجر بلوچستان میں کوئلےکی کان پر جارہا تھا، سکیورٹی کے لیے تین لیویز  اہلکار  بھی تاجر کے ساتھ تھے۔

وفاقی وزیر داخلہ نےکچے میں فوج سے آپریشن کی گیند سندھ حکومت کی کورٹ میں ڈال دی

جوصوبائی حکومت کہےگی اسے پورا سپورٹ کریں گے، سندھ میں قیام امن کے لیے صوبائی حکومت کی ہر معاونت کو تیار ہیں، محسن نقوی

پولیس کا کہنا ہے کہ موٹر وے ایم تھری پر سمندری انٹرچینج کے قریب ڈاکوؤں نے تاجر کی گاڑی کو روک کر اسلحہ تان لیا۔ ملزمان نےموبائل فونز، نقدی اور  لیویز اہلکاروں سے ان کا  سرکاری اسلحہ بھی چھین لیا۔

اس کے علاوہ ڈاکوؤں نے موٹروے پر ٹرک کھڑا  کرکے اور  سامان بکھیر کر مزید تین گاڑیوں کو روکا اور  لوٹ کر فرار ہوگئے۔

 پولیس نےگزشتہ رات کی ڈکیتی کا مقدمہ تھانہ صدر سمندری میں درج کرلیا۔

ایف آئی آر کے مطابق ڈاکوؤں کی عمریں 18 سے 20 سال تھیں۔